Pelé ដែលជាវីរបុរសបាល់ទាត់ប្រេស៊ីល ដែលជានិមិត្តរូបរបស់កីឡាស្ទើរតែមួយពិភពលោក បានទទួលមរណភាពក្នុងអាយុ ៨២ឆ្នាំ។
Pelé ត្រូវបានគេបញ្ជូនទៅមន្ទីរពេទ្យក្នុងទីក្រុងសៅប៉ូឡូកាលពីចុងខែវិច្ឆិកា ដោយសារការឆ្លងមេរោគផ្លូវដង្ហើម និងសម្រាប់ផលវិបាកទាក់ទងនឹងមហារីកពោះវៀនធំ។
កាលពីសប្តាហ៍មុន មន្ទីរពេទ្យបាននិយាយថា សុខភាពរបស់គាត់កាន់តែអាក្រក់ទៅៗ នៅពេលដែលជំងឺមហារីករបស់គាត់រីកកាន់តែខ្លាំង។
គាត់បានទទួលមរណៈភាពកាលពីថ្ងៃព្រហស្បតិ៍ដោយសារការបរាជ័យនៃសរីរាង្គជាច្រើនដោយសារតែការវិវត្តនៃជំងឺមហារីកពោះវៀនធំ នេះបើយោងតាមសេចក្តីថ្លែងការណ៍របស់មន្ទីរពេទ្យ Albert Einstein៕
អ្វីដែលគេចងចាំមិនភ្លេចសម្រាប់កំណត់ត្រាដ៏អស្ចារ្យរបស់លោក គឺការឈ្នះពាន World Cup ដល់ទៅ ៣ដង ដែលមិនមានកីឡាករណាម្នាក់ នៅក្នុងប្រវត្តិសាស្ត្របាល់ទាត់អាចធ្វើបាននោះទេ។
មរណភាពរបស់ Pele គឺជាការខាតបង់ធនធានដ៏ល្អម្នាក់ នៅក្នុងវិស័យកីឡាបាល់ទាត់ពិភពលោក៕