ធឿន ធារ៉ា ជាអ្នកប្រដាល់គុនខ្មែរ កើតក្នុងគ្រួសារកសិករក្រីក្រ នៅខេត្តព្រៃវែង។ ដោយសារកត្តាជីវភាព ធារ៉ា ដែលជាកូនប្រុសតែម្នាក់ក្នុងគ្រួសារ ដែលមានបងប្អូនស្រី ៣នាក់ ធារ៉ា មិនបានសិក្សានោះទេគឺគាត់ធំដឹងក្តី នៅប្រទេសថៃហើយគាត់ចាប់ផ្តើមធ្វើការសំណង់នៅប្រទេសថៃ។
ទោះបីមានការហាមឃាត់ពីឪពុកម្ដាយ ធារ៉ា បានជំនះចូល ហវឹកហាត់ប្រដាល់ អាយុ១៧ឆ្នាំ ដោយសារតែ ចិត្តស្រលាញ់ ចង់ល្បីដូចអ្នកប្រដាល់រាមច្បងល្បីៗឯទៀតដែរ។ ធារ៉ាបានកសាងឈ្មោះល្បីគួរសម នៅថៃ មុនមកហាត់ក្នុងក្លឹបលោក អេ ភូថង ដែលជា idol របស់ធារ៉ាតែម្ដង។
ដោយសារតែការជំនះតស៊ូនេះ បានធ្វើឱ្យ ធារ៉ា នាំមុខមាត់របស់ប្រទេសកម្ពុជាទៅកាន់ពិភពលោក ក្រោយពីបំបាក់កីឡាករថៃនៅក្នុងមហាព្រឹត្តិការណ៍ នៃការប្រកួតដណ្តើមខ្សែក្រវ៉ាត់ស្តេចថៃ ទទួលបានខ្សែក្រវ៉ាត់ទីមួយមិនធ្លាប់មានជូនដល់ប្រជាជនខ្មែរ៕