សុខភាព៖ ពិតណាស់គេដឹងយ៉ាងច្បាស់ថា កាហ្វេគឺជាភេសជ្ជៈដ៏ពេញនិយមមួយ ជាមួយនឹងរសជាតិ ឈ្ងុយឆ្ងាញ់ ដែលមិនអាចរកបាននៅក្នុងភេសជ្ជៈផ្សេងទៀត ហើយវាក៏មានប្រយោជន៍ដល់រាងកាយផងដែរ។
បន្ថែមពីលើរសជាតិ កាហ្វេក៏មានអត្ថប្រយោជន៍ដ៏អស្ចារ្យដែលមិនងាយរកបាន នៅក្នុងភេសជ្ជៈផ្សេងទៀតផងដែរ ប៉ុន្តែវាក៏មានមកជាមួយនឹងគ្រោះថ្នាក់ដែលលាក់កំបាំង ប្រសិនបើទទួលទាន មិនប្រុងប្រយ័ត្ន។
អត្ថប្រយោជន៍ ៩ យ៉ាងនៃ “កាហ្វេ”
១.បង្កើនកម្រិតថាមពល
ជាតិកាហ្វេអ៊ីននៅក្នុងកាហ្វេផ្លាស់ប្តូរកម្រិតនៃសារធាតុបញ្ជូនសរសៃប្រសាទមួយចំនួននៅក្នុងខួរក្បាល វាជំរុញថាមពល និងកាត់បន្ថយភាពនឿយហត់បានយ៉ាងល្អ ដូច្នេះហើយ វាមិនមែនជារឿងគួរឱ្យភ្ញាក់ផ្អើលនោះទេ ប្រសិនបើនរណាម្នាក់ផឹកកាហ្វេជារៀងរាល់ព្រឹក បន្ទាប់ពីភ្ញាក់ពីគេងនៅពេលព្រឹក ហើយពួកគេតែងតែងងុយគេង និងអស់កម្លាំង។
២. អាចកាត់បន្ថយហានិភ័យនៃ ជំងឺទឹកនោមផ្អែម ប្រភេទ ទី ២
ផឹកកាហ្វេជាប្រចាំ វាអាចកាត់បន្ថយហានិភ័យនៃ ជំងឺទឹកនោមផ្អែម ប្រភេទទី ២ ក្នុងរយៈពេលយូរ ប្រហែលជាដោយសារតែកាហ្វេជួយរក្សាមុខងារនៃកោសិកាបេតានៅក្នុងលំពែង ដែលទទួលខុសត្រូវក្នុងការផលិតអាំងស៊ុយលីន ដើម្បីគ្រប់គ្រងកម្រិតជាតិស្ករក្នុងឈាម។
៣. ចិញ្ចឹមខួរក្បាល
ពីការសិក្សាមួយចំនួនបានរកឃើញថា ការផឹកកាហ្វេអាចជួយការពារជំងឺភ្លេចភ្លាំង រួមទាំងជំងឺផាកឃីនសុន និងទប់ស្កាត់ការថយចុះនៃសមត្ថភាពរៀន និងការយល់ដឹង។
៤. អាចជួយគ្រប់គ្រងទម្ងន់
កាហ្វេអាចជួយឱ្យរាងកាយរបស់អ្នកគ្រប់គ្រងទម្ងន់ និង អាចជួយកាត់បន្ថយជាតិខ្លាញ់ក្នុងខ្លួនផងដែរ របាយការណ៍ ស្រាវជ្រាវមួយបានបញ្ជាក់ ថា អ្នកដែលផឹកកាហ្វេមានទំនោរជាមនុស្សសកម្ម ធ្វើឱ្យរាងកាយផ្លាស់ទីញឹកញាប់ ហើយនោះអាចជាហេតុផលមួយទៀតដែលកាហ្វេអាចជួយគ្រប់គ្រងទម្ងន់ដោយប្រយោលផងដែរ។
៥. អាចកាត់បន្ថយហានិភ័យនៃ ជំងឺធ្លាក់ទឹកចិត្ត
របាយការណ៍ស្រាវជ្រាវជាច្រើនបានរកឃើញនោះ។ ការផឹកកាហ្វេអាចកាត់បន្ថយហានិភ័យនៃជំងឺធ្លាក់ទឹកចិត្ត។ វាក៏អាចជួយកាត់បន្ថយអត្រាស្លាប់ដោយសារការធ្វើអត្តឃាតផងដែរ។
៦. អាចជួយការពារស្ថានភាពថ្លើម
ការផឹកកាហ្វេអាចកាត់បន្ថយការស្លាប់ដោយសារជំងឺថ្លើមរ៉ាំរ៉ៃ រួមទាំងជំងឺផ្សេងៗទៀត ទាក់ទងនឹងថ្លើម ដូចជាជំងឺរលាកថ្លើម និង មហារីកថ្លើមជាដើម។
៧. ចិញ្ចឹមបេះដូង
របាយការណ៍ស្រាវជ្រាវមួយចំនួនបានរកឃើញថា ការផឹកកាហ្វេកាត់បន្ថយហានិភ័យនៃជំងឺបេះដូង Arrhythmia និងការគាំងបេះដូង។
៨. ជួយឱ្យអាយុវែង
កាហ្វេអាចត្រូវបានផ្សារភ្ជាប់ជាមួយនឹងការថយចុះហានិភ័យនៃការស្លាប់ដោយសារហេតុផលមួយចំនួនដូចជា អាយុ ទម្ងន់ ឬការប្រើប្រាស់គ្រឿងស្រវឹង ទោះជាយ៉ាងណាក៏ដោយ ការស្រាវជ្រាវបន្ថែមគឺត្រូវការជាចាំបាច់សម្រាប់អត្ថប្រយោជន៍ទាំងនេះរបស់កាហ្វេ។
៩. អាចបង្កើនសមត្ថភាពនៃលំហាត់ប្រាណ
វាអាចស្តាប់ទៅចម្លែកបន្តិច ប៉ុន្តែកាហ្វេអាចបង្កើនសមត្ថភាពរបស់អ្នកក្នុងការធ្វើលំហាត់ប្រាណ ហើយ អាចធ្វើឱ្យរាងកាយទ្រាំទ្រនឹងការហាត់ប្រាណបានផងដែរ៕ ប្រភព៖ Sanook