អតីតបុគ្គលិកលោក Elon Musk នៃក្រុមហ៊ុន Neuralink គឺលោក Max Hodak បានចេញទៅសាងទ្រនំថ្មីមួយឈ្មោះក្រុមហ៊ុន Cience Corp ដើម្បីផលិតបន្ទះឈីបមួយប្រភេទ ដែលអាចជួយដល់មនុស្សខ្វាក់ឱ្យមើលឃើញរូបភាពដូចទៅនឹងមនុស្សទូទៅ។
បន្ទះឈីបដែលលោក Max Hodak កំពុងធ្វើនេះ គឺជាប្រភេទបន្ទះឈីប ដែលអាចភ្ជាប់ជាមួយខួរក្បាលរបស់មនុស្សបាន ពោលគឺស្រដៀងទៅនឹងអ្វី ដែលក្រុមហ៊ុន Neuralink កំពុងធ្វើដែរ។ វាមានឈ្មោះថាបន្ទះ The Science Eye ដែលគេធ្វើឡើងដើម្បីជួយដល់ជនពិការភាពភ្នែកធ្ងន់ធ្ងរ ដែលគ្រូពេទ្យមិនមានលទ្ធភាពព្យាបាល។
គួសបញ្ជាក់ផងដែរថា លោក Max Hodak ធ្លាប់ធ្វើជាប្រធាននៃក្រុមហ៊ុន Neuralink របស់លោក Elon Musk ចន្លោះពីឆ្នាំ ២០១៧ ដល់ ២០២១៕
ប្រភព៖ independent