បច្ចុប្បន្នបច្ចេកវិទ្យាសាកថ្មល្បឿនលឿនត្រូវបានប្រើប្រាស់យ៉ាងទូលំទូលាយ ដោយ iPhone14 បានភ្ជាប់មកជាមួយកម្លាំងសាក20W និង Samsung Z Fold & Flip 4 ល្បឿនសាកដល់ទៅ25W ហើយមានស្មាតហ្វូនខ្លះទៀតសាកលឿនដល់ ១២០វ៉ាត់ឯណោះ។
ចុះដែលដឹងអត់ តើថាបច្ចេកវិទ្យាសាកថ្មលឿន អាចប៉ះពាល់ដល់វដ្តជីវិតថ្មអត់?
តាមពិតទៅបច្ចេកវិទ្យាសាកថ្មល្បឿនលឿន មិនមានផលប៉ះពាល់ដល់សុខភាពថ្មនោះទេ ព្រោះរាល់ពេលបញ្ចូលថ្មម្ដងៗ ស្មាតហ្វូនមានមុខងារ Battery management system ដើម្បីរក្សាអាយុកាលនៃថ្ម ក៏ដូចជាការពារពីការផ្ទុះជាដើម។ មុខងារនេះបែងចែកការបញ្ចូលថ្មជាពីរដំណាក់កាល។
ដូចនេះបច្ចេកវិទ្យាសាកថ្មឆាប់ពេញមិនមែនជាដើមហេតុធ្វើឲ្យស្មាតហ្វូនឆាប់ខូចថ្មនោះទេ ប៉ុន្តែគឺកត្តាមួយចំនួនទៀតទៅវិញទេដែលធ្វើឲ្យថ្មឆាប់ខូច។
ការសិក្សាមួយចំនួនបានបង្ហាញថាទម្លាប់នៃការសាកថ្មស្មាតហ្វូនឲ្យដល់ពេញ ១០០% ហើយនៅបន្តដោតវាចោលទៀតនោះ អាចធ្វើឲ្យប៉ះពាល់ដល់សុខភាពថ្ម ប្រសិនបើអ្នកប្រើប្រកាន់ខ្ជាប់ទម្លាប់នេះជាទៀងទាត់៕
ប្រភព៖ CNET