ប្រទេសថៃ៖ កាលពីកន្លងទៅថ្មីៗនេះ ការរិយាល័យសេដ្ឋកិច្ចកសិកម្មនៅក្នុងប្រទេសថៃបានប្រកាសពីតម្លៃជាមធ្យមសម្រាប់ដំណាំកសិកម្ម ក្នុងស្រុកជាច្រើន ក្នុងនោះរួមមាន ស្រូវ អង្ក ពោត ដំឡុងមី និងដូចប្រេង។
ក្នុងនោះគេបានបញ្ជាក់ពីគម្រោងនៃការអភិវឌ្ឍន៍ទីផ្សារអង្ករ ពោលគឺគម្រោងទំនាក់ទំនងទីផ្សារអង្ករសរីរាង្គ និងអង្ករ GAP រួមបញ្ចូលគ្នាជាមួយនឹងប្រទេសមួយចំនួនផ្សេងទៀត ដែលបានប្រៀបធៀបជាមួយនឹងតម្លៃក្នុងប្រទេសខុសៗគ្នា។
បន្ថែមពីនោះគេបានបញ្ជាក់ពីតម្លៃផលិតផលកសិកម្មផ្សេងៗក្នុងស្រុករបស់ខ្លួន ដូចខាងក្រោម៖
តម្លៃដែលកសិករអាចលក់បានទូទាំងប្រទេសថៃមានដូចជា
ស្រូវ៖
-ស្រូវផ្កាម្លិះ មានតម្លៃជាមធ្យម គឺ ១៤,៣៦៨បាត ឬ ៣៩៦ ដុល្លារ ក្នុងមួយតោន ឬអាចមួយគីឡូក្រាម ស្មើរ និង ១ពាន់ ៦រយរៀល
សម្រាប់តម្លៃលក់ដុំនៃអង្ករក្នុងទីផ្សារបាងកក
-អង្ករផ្កាម្លិះ ជាមធ្យមតម្លៃ ៣២,០៥០ បាត ឬ៨៨៥ ដុល្លារ ក្នុងមួយតោន
តម្លៃនៅលើទីផ្សារអន្តរជាតិ
-អង្ករផ្កាម្លិះសុទ្ធជាមធ្យមតម្លៃ ៣៣.២៤៦ បាត ឬប្រហែល ៩១៦ ដុល្លារក្នុងមួយតោន
-អង្ករសម្រូប តម្លៃជាមធ្យមគឺ ១៦,២២៩ បាត ឬ ៤៣២ ដុល្លារក្នុងមួយតោន។
ពោត៖
-តម្លៃពោតដែលកសិករលក់ដោយមានសំណើមមិនលើសពី ១៤.៥ភាគរយជាមធ្យម ៩.៣៨ បាតក្នុងមួយគីឡូក្រាម ។
-តម្លៃពោតលក់ដុំនៅទីផ្សារបាងកកនៅរោងចក្រផលិតចំណីដើម្បីទិញកែច្នៃ ជាមធ្យម ១១.៧៧ បាតក្នុងមួយគីឡូក្រាម។
តម្លៃនៅលើទីផ្សារអន្តរជាតិ
–តម្លៃនាំចេញទៅក្រៅប្រទេស FOB ជាមធ្យម ៣២៧.០០ ដុល្លារអាមេរិកក្នុងមួយតោន ១១,៨៨១.០០ បាត ឬ៣២៧.០០ ក្នុងមួយតោន។
ដំឡូងមី៖
-តម្លៃដើមដំឡូងមីស្រស់ ជាមធ្យមគឺ ២.៦៨ បាតក្នុងមួយគីឡូក្រាម
-តម្លៃនៃដំឡូងមីជាមធ្យម ៦.៩៨ បាតក្នុងមួយគីឡូក្រាម
-តម្លៃលក់ដុំដំឡូងមី ចែកចាយនៅតាមឃ្លាំង ជាមធ្យម ៨.៩៨ បាតក្នុងមួយគីឡូក្រាម
-តម្លៃលក់ដុំនៃម្សៅដំឡូងមីថ្នាក់ទីពិសេស ដឹកជញ្ជូននៅឃ្លាំងប្រចាំតំបន់ ទីក្រុងបាងកក និងតំបន់ជុំវិញ ជាមធ្យម ១៧.១០ បាតក្នុងមួយគីឡូក្រាម
តម្លៃនៅលើទីផ្សារអន្តរជាតិ
-តម្លៃនាំចេញដំឡូងមី ជាមធ្យមគឺ ៩,៨៥០ បាត ឬ ២៧០ ដុល្លារក្នុងមួយតោន
-តម្លៃនាំចេញជាម្សៅដំឡូងមី ជាមធ្យម១៧,៨៨០ បាត ឬ ៤៩០ ដុល្លារក្នុងមួយតោន
ដូងប្រេង៖
តម្លៃដែលកសិករលក់គឺជាមធ្យមទូទាំងប្រទេស
-តម្លៃដូងប្រេងជាមធ្យមគឺ ៥.០៨ បាតក្នុងមួយគីឡូក្រាម
-តម្លៃលក់ដុំនៅផ្សារបាងកកជាមធ្យមគឺ ៣១.៧៥ បាតក្នុងមួយគីឡូក្រាម
តម្លៃនៅលើទីផ្សារអន្តរជាតិទៅកាន់ប្រទេសម៉ាឡេស៊ី
-តម្លៃប្រេងដូងឆៅ ជាមធ្យម ៣០.៤៨ បាតក្នុងមួយគីឡូក្រាម៕ ប្រភព៖ Office of Agricultural Economics
