ទំនាមទម្លាប់ អ្នកមានទោសប្រហារជីវិត តែងតែមានសិទ្ធទទួលទានម្ហូបដែលខ្លួនចូលចិត្ត ជាលើកចុងក្រោយ ត្រូវបានអនុវត្តតាំងពីសម័យបុរាណនៃប្រទេសអាមេរិក។
នៅសហរដ្ឋអាមេរិក មានវិធីសាស្ត្រក្នុងការដាក់កាត់ទោសប្រហារជីវិតផ្សេងៗគ្នាតាមរដ្ឋនីមួយៗ ជាក់ស្តែងនៅរដ្ឋ អារីហ្សូណា (Arizona) នីតិវិធីរដ្ឋស្តីពីការប្រហារជីវិតចែងថា អ្នកទោសអាចត្រូវស្នើសុំអាហារចុងក្រោយរបស់ខ្លួន មុន១៤ នៃការប្រហារជីវិត។ ដោយឡែកនៅរដ្ឋ ហ្លររីដា (Florida)អាហារចុងក្រោយត្រូវបានកំណត់ត្រឹម ៤០ដុល្លារតែប៉ុណ្ណោះ។
បើទោះបីជាការស្នើសុំអាហារចុងក្រោយ មានលក្ខណៈខុសគ្នា ក៏ប៉ុន្តែស្ថិតនៅក្នុងក្រោមហេតុផលដូចគ្នា។ យោងតាមសាស្ត្រាចារ្យ នៅមហាហវិទ្យាល័យច្បាប់នៃសាកលវិទ្យាល័យ មឺហ្សឺ (Mercer) បានឱ្យថឹងថា “ច្បាប់នេះត្រូវបានសហរដ្ឋអាមេរិក យកលំនាប់តាមជនជាតិដើមក្រិក។ ជនជាតិក្រិក ជឿជាក់ថាការធ្វើបែបនេះ នឹងមិនធ្វើឱ្យអ្នកដែលស្លាប់បាត់ទៅនោះ ត្រឡប់មករកអ្នកដែលប្រហារជីវិតរបស់ខ្លួននោះឡើយ។ អាចហៅបានម្យ៉ាងទៀតថា ជាខ្មោចស្រែកឃ្លាន។” មកទល់បច្ចុប្បន្ន ច្បាប់នេះត្រូវបានអនុវត្តដដែលនៅអាមេរិក៕
ប្រភព៖ yahoo news