ស្របពេលដែលមានភាពច្របូកច្របល់អំពីការធ្វើប្រជាមតិក្លែងក្លាយនោះ ពេលនេះលោក វ្ល៉ាឌីមៀ ពូទីន បានចុះហត្ថលេខាលើក្រឹត្យមួយខឺសុន (Kherson) និងតំបន់ ហ្សាប៉ូរីសហ្ស៉ីយ៉ា (Zaporizhzhia) របស់អ៊ុយក្រែន ទៅក្នុងឧបសម្ព័ន្ធរបស់រុស្ស៉ីជាផ្លូវការ។ 
បើតាមក្រឹត្យខាងលើដែលចេញផ្សាយជាសាធារណៈដោយវិមានក្រឹមឡាំង បានលើកឡើងថា “លោក ពូទីន បញ្ជាឱ្យទទួលស្គាល់ តំបន់ខឺសុន (Kherson) និងតំបន់ ហ្សាប៉ូរីសហ្ស៉ីយ៉ាស្ថិតនៅភាគខាងត្បូងប្រទេសអ៊ុយក្រែន គឺជារដ្ឋអធិបតេយ្យ និងឯករាជ្យ”។
ក្រៅពី តំបន់ខឺសុន (Kherson) និងតំបន់ហ្សាប៉ូរីសហ្ស៉ីយ៉ា (Zaporizhzhia) នេះ រុស្សុីក៏បានដាក់បញ្ចូល តំបន់២ ផ្សេងទៀតរបស់អ៊ុយក្រែន គឺលូហាន និងដូណេត ក្នុងឧបសម្ព័ន្ធរបស់រុស្ស៉ីជាផ្លូវការផងដែរ។
ការធ្វើបែបនេះ មិនត្រូវបានទទួលស្គាល់ពីសហភាពអឺរ៉ុបនោះទេ ដោយលោកខាងលិចបានចោទប្រកាន់ថានេះជាការបោះឆ្នោតប្រជាមតិដ៏អាក្រក់បំផុតមិនធ្លាប់មាន៕
ប្រភព: Washington Post
