បរទេស៖ បន្ទាប់ពីការសោយទិវង្គតរបស់ម្ចាស់ក្សត្រិយ៍ អេលីហ្សាបែតទី២ (Elizabeth II) បញ្ចប់រជ្ជកាល ៧០ ឆ្នាំ ស្តេច Charles III ដែលត្រូវជាបុត្រច្បងក៏បានឡើងសោយរាជ្យ ជាប្រមុខថ្មីរបស់ចក្រភពអង់គ្លេស និងប្រទេសចំនួន ១៤ ផ្សេងទៀតបន្ទាប់ពីទ្រង់បានឡើងគ្រងរាជ្យសម្បត្តិ (អ្នកស្នងមរតកទីមួយ) សម្រាប់រយៈពេលដ៏យូរបំផុតក្នុងប្រវត្តិសាស្ត្រនៃរាជវង្សអង់គ្លេស។
ព្រះអង្គ Charles III បច្ចុប្បន្នមានព្រះជន្ម ៧៣ ព្រះវស្សាបានក្លាយជាស្តេចនៃចក្រភពអង់គ្លេស ដែលបានឡើងសោយរាជ្យក្នុងវ័យចំណាស់ជាងគេ ដោយមានជាមហេសី Camilla នៅក្បែរទ្រងជាព្រះមហាក្សត្រី។
ប្រវត្តិរាជវង្ស
ព្រះអង្គ Charles III ឈ្មោះពេញ Charles Philip Arthur George កើតនៅវិមាន Buckingham នៅថ្ងៃទី ១៤ ខែវិច្ឆិកា ឆ្នាំ ១៩៤៨ ដែលជាឆ្នាំទី ១២ នៃរជ្ជកាលស្តេច George VI ។ ព្រះមាតាគឺម្ចាស់ក្សត្រិយ៍ Elizabeth II និងព្រះបីតាព្រះនាម Philip Mountbatten។ ព្រះអង្គ Charles III មានបងប្អូនចំនួន៤នាក់ គឺព្រះនាង Anne ព្រះអង្គ Prince Andrew និងព្រោះអង្គ Prince Edward។
ខណៈពេលដែលទ្រង់មានព្រះជន្មត្រឹមតែ៣ឆ្នាំប៉ុណ្ណោះ ទ្រង់បានជាប់នៅក្នុងឋានន្តរស័ក្តិជាអ្នកស្នងមរតក បន្ទាប់ពីម្ចាស់ក្សត្រិយ៍ Elizabeth II ឡើងសោយរាជ្យនៅឆ្នាំ ១៩៥២ ក្នុងនោះព្រះនាងបានចិញ្ចឹមបីបាច់បុត្រយ៉ាងយកចិត្តទុកដាក់ ដើម្បីសម្រាប់ឡើងសោយរាជ្យនៅថ្ងៃណាមួយ។
ទោះជាយ៉ាងណាកំណើនរបស់ព្រះអង្គ Charles III ខុសពីស្តេចមុនៗដែលទទួលការអប់រំដោយគ្រូ បង្រៀនឯកជនខណៈព្រះអង្គម្ចាស់ Charles III ទ្រងបានចូលទៅក្នុងប្រព័ន្ធអប់រំធម្មតាដូចសិស្សទូទៅ នៅសាលានាទីក្រុងឡុងដ៍ បន្ទាប់មកទ្រង់បានបន្តការសិក្សាប្រវត្តិសាស្រ្តនៅមហាវិទ្យាល័យ Trinity Cambridge និងឆ្នាំបន្ទាប់ទៀតបានក្លាយជាអ្នកស្នងមរតករាជវង្សអង់គ្លេសដំបូងគេដែលទទួលបានសញ្ញាបត្រ។
ពេញមួយជីវិតរបស់ព្រះអង្គម្ចាស់ Charles III ទ្រង់បានប្រឈមមុខនឹងការរិះគន់ ក៏ដូចជាការតវ៉ាពីក្រុមជាតិនិយម និងប្រឆាំងរាជានិយមអំពីការអនុវត្តរបស់ព្រះអង្គម្ចាស់ដែលបានព្យាយាមសម្របខ្លួនទៅនឹងរចនាប័ទ្មទំនើប ខណៈពេលដែលរក្សាប្រពៃណីដើមរបស់ស្ថាប័ន រួមទាំងរឿងរ៉ាវនៃអាពាហ៍ពិពាហ៍ដំបូងរបស់គាត់ជាមួយម្ចាស់ក្សត្រីដាយអាណា (Diana) ផងដែរ។
ពិធីរៀបអភិសេក
ព្រះអង្គម្ចាស់ Charles III បានរៀបអភិសេកជាមួយនឹងម្ចាស់ក្សត្រិយ៍ ដាយអាណា (Diana) នៅឆ្នាំ១៩៨១ ហើយក្នុងពិធីនេះផងដែរបានចាក់ផ្សាយជុំវិញពិភពលោក ដែលមានអ្នកទស្សនាជាង ៧៥០ លាននាក់ និងក្រោយមកព្រះអង្គមានបុត្រពីរព្រះអង្គគឺ ព្រះអង្គម្ចាស់ William ក្នុងឆ្នាំ ១៩៨២ និងព្រះអង្គម្ចាស់ Harry ក្នុងឆ្នាំ ១៩៨៤ ។ គ្រួសារាជ្យវង្សនេះបានស្ថិតក្រោមការឃ្លាំមើលរបស់សាធារណជន និងប្រព័ន្ធផ្សព្វផ្សាយគ្រប់ពេលវេលាទាំងអស់។
ទោះជាយ៉ាងណាបញ្ហាទំនាក់ទំនងគ្រួសាររាជ្យវង្សនេះត្រូវបានបង្ហាញ ដោយម្ចាស់ក្សត្រិយ៍ ដាយអាណា បង្ហាញថាជីវិតអាពាហ៍ពិពាហ៍របស់ទ្រង់និងព្រះអង្គម្ចាស់ Charles III ត្រូវបាន “អ្នកទីបីចូលមក” គឺ Camilla។
ចុងក្រោយព្រះអង្គម្ចាស់ Charles III និងម្ចាស់ក្សត្រីដាយអាណាទ្រង់ទាំងពីរបានលែងលះគ្នានៅឆ្នាំ ១៩៩៦ បន្ទាប់មកទៀតសោកនាដកម្មក៏បានកើតឡើង ដោយដាយអាណាបានជួបគ្រោះថ្នាក់ចរាចរណ៍ សោយទិវង្គតនៅទីក្រុងប៉ារីសក្នុងឆ្នាំ ១៩៩៧។
លុះនៅឆ្នាំ ២០០៥ ព្រះអង្គម្ចាស់ Charles III ក៏បានរៀបអភិសេកជាមួយ Camilla ដែលបានក្លាយជាការចាប់អារម្មណ៍របស់សាធារណជន។ ម្ចាស់ក្សត្រិយ៍ Camilla ត្រូវបានគេទទួលស្គាល់និងកិត្តិយសជាងម្ចាស់ក្សត្រីដាយអាណា។
ដំណើរការនៃការឡើងសោយរាជ្យស្តេចថ្មី
ក្នុងរយៈពេល ២៤ ម៉ោងបន្ទាប់ពីការសោយទិវង្គតរបស់ម្ចាស់ក្សត្រី Elizabeth II ព្រះអង្គម្ចាស់ Charles III នឹងមានព្រះរាជក្រឹត្យ ដែលត្រូវបានប្រកាសពីការឡើងស្នងរាជ្យជាផ្លូវការនៅវិមាន St James’s Palace ក្នុងទីក្រុងឡុងដ៍។
ជាមួយនឹងពិធីឡើងសោយរាជ្យរបស់ស្តេច Charles III នឹងត្រូវធ្វើឡើងនៅពេលក្រោយ ដោយសារ ការ រៀបចំសម្រាប់ព្រះរាជពិធីត្រូវធ្វើរាមជំហានសំខាន់ៗ ដែលជាវាជាពិធីសាសនារបស់ជនជាតិអង់គ្លេស។
ដោយពិធីនេះគឺដំណើរការដោយអាចារ្យនៃ Canterbury ដើម្បីពាក់មកុដនៃ St. Edward ដែលជាមកុដមាសពិតប្រាកដ រាប់រយឆ្នាំចាប់តាំងពីឆ្នាំ ១៦៦១ ដែលនឹងត្រូវបានបំពាក់លើព្រះសិរិសារបស់ព្រះអង្គម្ចាស់ Charles III ដែលត្រូវបានគេចាត់ទុកថាជាស្តេចថ្មីនៃចក្រភពអង់គ្លេស។
ក្នុងព្រះរាជពិធីនោះនឹងមានការបន្លឺសំឡេងស្នែងយ៉ាងខ្លាំងដែលជាសញ្ញាឲ្យសាធារណជនចូលទៅកាន់រាជ្យបល្ល័ង្កជាមួយនឹងពាក្យថា “ព្រះសង្គ្រោះជាតិ” អមជាមួយភ្លេងជាតិ ឬភ្លេងនៃព្រះរាជាណាចក្រដ៏រុងរឿង នេះជាលើកទីមួយក្នុងរយៈពេល ៧០ ឆ្នាំកន្លងមកដែលបទចម្រៀងនេះនឹងត្រូវ ប្ដូរពីពាក្យ Queen(ស្ដេចស្រី) ទៅជាពាក្យ King(ស្ដេចប្រុស) ជំនួសវិញ៕ ប្រភព៖ Kapook