អន្តរជាតិ៖ លោក Prawit Wongsuwan ដែលជានាយករដ្ឋមន្ត្រីស្ដីទីរបស់ប្រទេសថៃ ត្រូវបានគេប្រទះឃើញរូបលោកបានដេកលក់ក្នុងអំឡុងពេលប្រជុំកាលពីរសៀលថ្ងៃទី០៥ ខែកញ្ញា ឆ្នាំ២០២២ ខណៈរូបភាពនេះបានល្បីពេញបណ្ដាញសង្គមថៃយ៉ាងលឿន ហើយទាក់ទាញឲ្យមហាជននាំគ្នាបញ្ចេញមតិរិះគន់ជាច្រើន។
យ៉ាងណាមិញនេះមិនមែនជាលើកទីមួយទេ ដែលនាយករដ្ឋមន្ត្រីចាំផ្ទះរូបនេះបានភ្លេចខ្លួនដេកលង់លក់ក្នុងអំឡុងពេលធ្វើកិច្ចប្រជុំនាៗ ដែលជាហេតុធញវើឲ្យអ្នកកាសែតតែងតែថតរូបលោកជានិច្ច ដែលនាំឲ្យមានការរិះគន់គ្រប់មជ្ឈដ្ឋាន។
គួរជម្រាបដែលថា លោក Prawit អាយុ ៧៧ ឆ្នាំ ដែលបានធ្វើជាឧបនាយករដ្ឋមន្ត្រីតាំងពីឆ្នាំ ២០១៩ មក គឺជាសម្ព័ន្ធមិត្តដ៏យូរយាររបស់លោក Prayuth និងជាផ្នែកមួយនៃរបបយោធាដែលដឹកនាំប្រទេសថៃអស់រយៈពេលជិត ៥ ឆ្នាំ បន្ទាប់ពីលោក Prayuth បានធ្វើរដ្ឋប្រហារកាលពីឆ្នាំ ២០១៤ ទម្លាក់រដ្ឋាភិបាលដែលជ្រើសរើសតាមរយៈការបោះឆ្នោតមក។
ដូចលោក Prayuth ដែរ លោក Prawit គឺជាអតីតមេបញ្ជាការកងទ័ព និងត្រូវបានគេស្គាល់ថា ជាអ្នកមានភាពស្មោះស្ម័គ្រខ្លាំងបំផុតចំពោះរបបរាជាធិបតេយ្យ។ ប៉ុន្តែ ផ្ទុយពីលោក Prayuth លោក Prawit ហាក់ជាអ្នកមានឥទ្ធិពលគ្របដណ្ដប់នៅពីក្រោយឆាក ៕