អន្តរជាតិ៖ អ្នកជំនាញបាននិយាយថា ទឹកជំនន់ដ៏កាចសាហាវដែលបំផ្លិចបំផ្លាញនៅក្នុងប្រទេសប៉ាគីស្ថាន គឺជា “ការដាស់តឿនមួយ” ដល់ពិភពលោកស្តីពីការគំរាមកំហែងនៃការប្រែប្រួលអាកាសធាតុ។ នៅក្នុងគ្រោះហមន្តរាយទឹកជំនន់នោះបានវាយប្រហារអាយុជីវិតមនុស្សជាច្រើន ខណៈដែលរដ្ឋមន្ត្រីព្រមានអំពីការខ្វះខាតស្បៀងអាហារបន្ទាប់ពីដំណាំស្ទើរតែពាក់កណ្តាលរបស់ប្រទេសត្រូវបានទឹកជំនន់បំផ្លាញស្ទើរតែទាំងស្រុង។
ចំពោះមូលហេតុដែលនាំប្រទេសប៉ាគីស្ថានត្រូវបានអ្នកវិទ្យាសាស្ត្រអាកាសធាតុម្នាក់ បានប្រាប់ BBC ថា៖ «ប្រទេសប៉ាគីស្ថានបានរួមចំណែកតិចជាង ១ភាគរយនៃឧស្ម័នផ្ទះកញ្ចក់សកលដែលធ្វើឱ្យផែនដីរបស់យើងឡើងកំដៅ ប៉ុន្តែភូមិសាស្ត្ររបស់នេះធ្វើឱ្យវាងាយរងគ្រោះខ្លាំងចំពោះការប្រែប្រួលអាកាសធាតុ»។
រដ្ឋមន្ត្រីក្រសួងអាកាសធាតុ លោក Sherry Rehman បាននិយាយនៅសប្តាហ៍នេះថា តាមពិតទៅមួយភាគបីនៃប្រទេសប៉ាគីស្ថាន កំពុងស្ថិតនៅក្រោមទឹកនាពេលនេះ ដែលហួសពីព្រំដែនរាល់បទដ្ឋានដែលយើងបានឃើញនាពេលកន្លងមក។
ប្រទេសប៉ាគីស្ថាន ស្ថិតនៅកន្លែងមួយនៅលើពិភពលោកដែលទទួលរងនូវប្រព័ន្ធអាកាសធាតុសំខាន់ពីរ។ មួយអាចបណ្តាលឱ្យមានសីតុណ្ហភាពខ្ពស់ និងគ្រោះរាំងស្ងួត ដូចជារលកកំដៅក្នុងខែមីនា ហើយមួយទៀតនាំមកនូវភ្លៀងមូសុង ខណៈប្រជាជនប៉ាគីស្ថានភាគច្រើនដែលរស់នៅតាមដងទន្លេ Indus អាចនឹងជន់លិចអំឡុងពេលភ្លៀងមូសុង។
អ្នកវិទ្យាសាស្ត្របានភ្ជាប់ការប្រែប្រួលអាកាសធាតុ និងខ្យល់មូសុងនេះគឺបញ្ហាដ៏ធំមួយ ការឡើងកំដៅផែនដីកំពុងធ្វើឱ្យសីតុណ្ហភាពខ្យល់ និងសមុទ្រកើនឡើង ដែលនាំឱ្យមានការហួតកាន់តែច្រើន ខ្យល់ក្តៅអាចរក្សាសំណើមបានច្រើន នឹងធ្វើឱ្យមានភ្លៀងមូសុងកាន់តែខ្លាំង។
នៅពេលដែលពិភពលោកកាន់តែក្តៅ ទឹកកកកំពុងរលាយផ្ទាំងទឹកកកនៅតំបន់ Gilgit-Baltistan និង Khyber Pakhtunkhwa របស់ប្រទេសប៉ាគីស្ថានបាននឹងកំពុងរលាយយ៉ាងឆាប់រហ័ស បង្កើតបានជាបឹងជាង ៣ ០០០កន្លែង ហើយបឹងប្រហែលជា៣៣ គឺស្ថិតក្នុងហានិភ័យនៃការផ្ទុះភ្លាមៗដែលអាចបញ្ចេញទឹកនិងកំទេចកំទីរាប់លានម៉ែត្រគូបដែលធ្វើឱ្យមនុស្សជាង៧លាននាក់ប្រឈមនឹងហានិភ័យ។
លោកវេជ្ជបណ្ឌិត Saeed មានប្រសាសន៍ថា ទឹកជំនន់គឺជាការដាស់តឿនយ៉ាងពិតប្រាកដដល់រដ្ឋាភិបាលនានាទូទាំងពិភពលោក ដែលបានសន្យាថានឹងដោះស្រាយការប្រែប្រួលអាកាសធាតុនៅក្នុងសន្និសីទអាកាសធាតុរបស់អង្គការសហប្រជាជាតិជាបន្តបន្ទាប់។ លោកបានបន្ថែមថា អ្វីៗទាំងអស់នេះកើតឡើងនៅពេលដែលពិភពលោកបានឡើងកំដៅដល់ ៦០អង្សាសេ ដែលជាការឡើងកំដៅកាត់ទោសប្រហារជីវិតសម្រាប់មនុស្សជាច្រើននៅក្នុងប្រទេសប៉ាគីស្ថាន ៕