បញ្ហាស្បែកក្បាល គឺជារឿងដ៏ចម្បងមួយដែលកើតឡើងចំពោះមនុស្សទូទៅ ជាពិសេសគឺស្រ្ដី ។ ដោយមានមូលហេតុជាច្រើននៃការរមាស់ស្បែកក្បាល ដូចជាបណ្ដាលមកពីអាកាសធាតុ ឬ ក្រពេញប្រេងស្បែកក្បាលថយចុះ។ល។ លើសពីនេះក៏មានបញ្ហាអង្គែផងដែរ ដែលត្រូវបានគេដឹងថាបណ្តាលមកពីផ្សិតដុះលើស្បែកក្បាល ទើបជាហេតុបណ្ដាលឱ្យមានការរលាកនិងរមាស់ រួមទាំងបញ្ហាជាច្រើនផ្សេងទៀតផងដែរ។
ដោយថ្ងៃនេះKBN នឹងលើកយកវិធីព្យាបាលសាមញ្ញមួយចំនួនក្នុងការដោះស្រាយបញ្ហារមាស់ស្បែកក្បាលទាំងអស់នេះដូចខាងក្រោម ៖
- ប្រទាលកន្ទុយក្រពើ
ស្បែកស្ងួត គឺជាកត្តាមួយដែលអាចធ្វើឱ្យស្បែកក្បាលរបស់អ្នករមាស់។ ដូច្នេះការប្រើប្រាស់ប្រទាលកន្ទុយក្រពើ គឺពិតជាបានដើរតួនាទីយ៉ាងសំខាន់ក្នុងការផ្ដល់នូវជាតិសំណើមធម្មជាតិ និងមានលក្ខណៈសម្បត្តិប្រឆាំងនឹងបាក់តេរី ។
ដោយអ្នកគ្រាន់តែធ្វើការលាបប្រទាលកន្ទុយក្រពើ លើស្បែកក្បាលទុកចោល 20 នាទី រួចសឹមលាងចេញជាមួយទឹកក្តៅឧណ្ហៗ។ ធ្វើបែបនេះពីរដងក្នុងមួយសប្តាហ៍នោះអ្នកនឹងទទួលបានលទ្ធផលជាទីគាប់ចិត្ត។
- ទឹកខ្មះផ្លែប៉ោម
អាស៊ីតអាសេទិកដែលមាននៅក្នុងទឹកខ្មះផ្លែប៉ោម មានលក្ខណៈសម្បត្តិប្រឆាំងនឹងបាក់តេរី ព្រមទាំងប្រឆាំងនឹងមេរោគ ។ ដោយអ្នកគ្រាន់តែលាយទឹកខ្មេះប៉ោម2-4 ស្លាបព្រា ជាមួយនឹងទឹកក្ដៅមួយ 1 ពែង។ បន្ទាប់មកម៉ាស្សាល្បាយទាំង២នេះទៅលើស្បែកក្បាល ទុកវាចោលពី៥ ទៅ១០នាទី រួចលាងទឹកចេញជាការស្រេច ។