ការមករដូវ គឺជារឿងធម្មតាទូទៅមួយរបស់ស្រ្ដីគ្រប់រូបដែលត្រូវឆ្លងកាត់ជារៀងរាល់ខែ ចន្លោះពី 3-7 ថ្ងៃ ដោយអមជាមួយអាការៈនៃការឈឺពោះ អស់កម្លាំង… ជាដើម។
ការមករដូវត្រូវបានគេដឹងថាផលិតចេញពី endometrium របស់ស្ត្រីជារៀងរាល់ខែ។ ដោយឈាមរដូវនេះភាគច្រើនមានផ្ទុកទៅដោយសារធាតុពុល និងកាកសំណល់ជាច្រើន ដូច្នេះទើបគេនិយាយថាការមករដូវគឺជាពេលវេលាដ៏ល្អមួយសម្រាប់ស្រ្ដី ក្នុងការជួយច្រោះឈាមមិនល្អ និងជាតិពុលចេញពីរាងកាយ។ ដោយជារៀងរាល់ខែ ទាល់តែឈាមរដូវមកក្នុងពេលវេលាត្រឹមត្រូវ ទើបត្រូវបានគេរាប់ថា ស្ថានភាពសុខភាពរបស់អ្នកដំណើរការបានល្អជាធម្មតា។
បើយោងទៅតាមអ្នកជំនាញបានបង្ហាញឲ្យដឹងថា ប្រសិនបើស្ត្រីមានរដូវត្រឹមតែ៣ថ្ងៃហើយបានបញ្ចប់ទៅវិញនោះមានន័យថា រាងកាយរបស់គេមិនបានបញ្ចេញអ័រម៉ូនទេ។ ប៉ុន្តែដោយឡែកប្រសិនបើការមករដូវរបស់ពួកគេមានរយៈពេលរហូតដល់ 7 ថ្ងៃនោះបង្ហាញថាបរិមាណអរម៉ូនអ៊ឹស្ត្រូសែននៅក្នុងខ្លួនរបស់ពួកគេគឺខ្ពស់គួរសម ។
ដោយការបង្ហាញទាំងអស់នេះត្រូវបានគេវិនិច្ឆ័យថា ស្ត្រីដែលមករដូវត្រឹមតែ៣ថ្ងៃច្រើនតែមានសភាពខ្សោយ ឈាមរដូវតិច ដូច្នេះជាតិពុល និងកាកសំណល់ដែលមាននៅក្នុងខ្លួនក៏មានឱកាសកកកុញច្រើន។ ផ្ទុយទៅវិញ ចំពោះស្ត្រីដែលមករដូវមានរយៈពេលរហូតដល់ទៅ 7 ថ្ងៃនោះ ពួកគេច្រើនតែមានការបញ្ចេញឈាមច្រើន បញ្ចេញជាតិពុល ក៏ដូចជាកាកសំណល់ត្រូវបានច្រោះ ដែលជាហេតុជួយឱ្យរាងកាយរបស់ពួកគេមានសុខភាពល្អ ព្រមទាំងជួយកាត់បន្ថយភាពចាស់មុនអាយុថែមទៀតផង ។
សរុបមក ស្រ្ដីដែលមករដូវរយៈពេល៣ថ្ងៃ ច្រើនតែមានសុខភាពអាក្រក់ជាងអ្នកដែលមានរដូវ៧ថ្ងៃ។ លើសពីនេះទៅទៀត ចំពោះស្ត្រីដែលមានវដ្តរដូវទៀងទាត់ ក៏ទំនងជាឆាប់មានគភ៌ជាងស្ត្រីដែលមានវដ្តរដូវមិនទៀងទាត់ផងដែរ ។