បន្លែជាអាហារដ៏ល្អមួយដែលផ្ដល់រាងកាយទទួលបានសុខភាពល្អ។ តែទោះជាយ៉ាងណាក៏ដោយ នេះមិនមែនមានន័យថា ការបរិភោគបន្លែសុទ្ធតែទទួលបានផលល្អសម្រាប់សុខភាពទាំងអស់នោះទេ។
ខាងក្រោមនេះគឺជារឿងមួយចំនួនដែលអ្នកមិនគួរ ចំពោះការចម្អិនបន្លែយកមកបរិភោគ ៖
– ស្រុះបន្លែក្នុងរយៈពេលយូរ
អំឡុងពេលស្ងោរបន្លែ អ្នកមិនគួរស្រុះវាក្នុងរយៈពេលយូរពេកនោះទេ ព្រោះវានឹងធ្វើឱ្យបន្លែបាត់បង់នូវ វីតាមីន C និង B1។
– ទុកបន្លែឆ្អិនចោលមួយយប់
អ្នកជំនាញផ្នែកអាហារូបត្ថម្ភ បាននិយាយថា ដោយសារតែបន្លែបៃតងមានជាតិនីត្រាតខ្ពស់ ដូច្នេះប្រសិនបើអ្នកចម្អិនវាយូរពេកនោះ វានឹងធ្វើឲ្យកើតមាននូវបាក់តេរីរលាយ រួមជាមួយនីត្រាត ដែលបង្កើតជាបង្កើតជា nitrite ម្តងទៀត ព្រមទាំងបង្កើតឲ្យមាននូវសារធាតុបង្កជាជំងឺមហារីក ។ ទោះបីជាអ្នកធ្វើការកំដៅបន្លែទាំងអស់នោះឡើងវិញក៏ដោយ ក៏វានៅតែមិនអាចកម្ចាត់ចោលបានដែរ។
– ដាក់ទឹកតិចពេកអំឡុងពេលស្រុះបន្លែ
ការដាក់តិចពេលស្រុះបន្លែ គឺជារឿងទូទៅមួយដែលមនុស្សជាច្រើនបានធ្វើ ។ ព្រោះតែពួកគេយល់ថា ការធ្វើបែបនេះ គឺធ្វើឲ្យបន្លែឆាប់ឆ្អិន សន្សំសំចៃពេលវេលាចម្អិន ក៏ដូចជាមិនធ្វើឲ្យបន្លែបាត់បង់រសជាតិផងដែរ ។ ប៉ុន្តែពួកគេមិនបានដឹងទេ ថាការធ្វើបែបនេះ វានឹងធ្វើឲ្យបន្លែងាយបាត់បង់នូវវីតាមីន ក៏ដូចជាធ្វើបន្លែមិនងាយឆ្អិន ព្រមទាំងធ្វើឲ្យបន្លែខ្មៅ ជាដើម។
