ការពារមនុស្សជាទីស្រឡាញ់របស់អ្នកពីជំងឺវង្វេង ដោយអាហារទាំង៦ប្រភេទនេះ !!

ជំងឺវង្វេង ត្រូវបានគេស្គាល់ជាទូទៅ វាជាអាការៈដ៏សាមញ្ញមួយដែលភាគច្រើនកើតចំពោះមនុស្សដែលមានវ័យចំណាស់ ។​ បើយោងទៅតាមលោកវេជ្ជបណ្ឌិត Suwanchai Wattana Yingcharoenchai  ជាអគ្គនាយកនៃនាយកដ្ឋានសុខាភិបាលបាននិយាយថា ជំងឺវង្វេងចំពោះមនុស្សចាស់គឺជាក្រុមរោគសញ្ញាដែលមានភាពមិនប្រក្រតីនៃមុខងារខួរក្បាល។ ដែរបណ្តាលឱ្យមានការថយចុះសមត្ថភាពយល់ដឹង ការគិត ឬចងចាំ ។ ដោយមានរោគសញ្ញានៃការភ្លេចភ្លាំង ការប្រើភាសា និងអាកប្បកិរិយា និងការផ្លាស់ប្តូរអារម្មណ៍ ដែលអាចបណ្តាលមកពីហេតុផលជាច្រើនផ្សេងទៀត ។​

ជាធម្មតា ជំងឺវង្វេងត្រូវបានគេដឹងថាតែងតែកើតឡើងចំពោះមនុស្សចាស់ដែលមានវ័យលើសពី 65 ឆ្នាំ ដែលមានអត្រាកើតជំងឺវង្វេងពី 5-8 % ។ ចំពោះមនុស្សដែលមានវ័យលើសពី 85 ឆ្នាំ មានអត្រាកើតជំងឺវង្វេង 30 %  និង មនុស្សដែលមានវ័យចាប់ពី 90 ឆ្នាំឡើងទៅ មានអត្រាចាប់ពី 10% រហូតដល់ 50%នៃការកើតជំងឺវង្វេង ហើយជាមួយគ្នានេះវាក៏មានការកើនឡើងទៅតាមអាយុផ្សេងៗទៀតផងដែរ។

ដោយជំងឺវង្វេង ក៏ត្រូវបានគេរកឃើញថាមានការរួមចំណែកជាមួយនឹង​ការ​ទទួល​ទាន​អាហារដែលល្អ និង​ត្រឹម​ត្រូវចំពោះសុខភាពផងដែរ​  ដើម្បីការពារកុំឲ្យមានជំងឺវង្វេង ជាពិសេសចំពោះមនុស្សដែលមានវ័យចាប់ពី៦៥ឆ្នាំឡើងទៅ ។ ខាងក្រោមនេះ គឺជាអាហារទាំង៦ប្រភេទដែលអ្នកគួរជ្រើសរើសទទួលទាន​ដើម្បីការពារការកើតមាននូវជំងឺវង្វេង ៖

• • ទទួលទានបន្លែឱ្យបានច្រើន ដោយផ្តោតលើបន្លែស្លឹកបៃតង ដូចជា ស្ពៃចង្កឹះ ស្ពៃតឿ ស្ពៃក្រញ៉ាញ ស្ពៃស្ពីណាច ខាត់ណា យ៉ាងហោចណាស់ ៣-៤ ដងក្នុងមួយសប្តាហ៍ និងបន្លែផ្សេងៗទៀតដូចជា សាឡាត់ ការ៉ុត ប៉េងប៉ោះ ម្ទេស និងត្រសក់
• 
  • ទទួលទានផ្លែឈើឱ្យបានទៀងទាត់ ដោយផ្តោតលើផ្លែឈើពណ៌ក្រហម និងពណ៌បៃតងឲ្យបានច្រើនតាមដែរអាចធ្វើទៅបាន

• • ទទួលទានគ្រាប់ធញ្ញជាតិ អង្ករសំរូប ពោត និងស្រូវសាលី

• • បរិភោគគ្រាប់ធញ្ញជាតិ ដូចជា គ្រាប់អាល់ម៉ុន គ្រាប់ស្វាយចន្ទី សណ្តែកសៀង សណ្តែកក្រហម សណ្តែកខ្មៅ

• • ទទួលទានអាហារប្រូតេអ៊ីនធម្មជាតិ ដែលមាននៅក្នុងត្រី និងស៊ុត

• ប្រើប្រាស់ប្រេងល្អៗ ដូចជាប្រេងអូលីវ ឬ ប្រេងគ្រាប់តែ ដែលផលិតពីធម្មជាតិ សម្រាប់ការចម្អិនម្ហូប …។ល។