អត្ថប្រយោជន៍ដ៏ល្អបំផុតនៃជាតិខ្លាញ់ គឺថាវាជួយរក្សាឱ្យឆ្អែតបានយូរ ។ ដោយយោងតាមវេជ្ជបណ្ឌិត Ashley Reaver ជាអ្នកឯកទេសខាងចំណីអាហារដែលបានចុះបញ្ជីនៅ Oakland រដ្ឋកាលីហ្វ័រញ៉ា បានបង្ហាញប្រាប់ឲ្យដឹងថា “ជារៀងរាល់ថ្ងៃរាងកាយប្រើប្រាស់កាបូអ៊ីដ្រាតនិងប្រូតេអ៊ីនយ៉ាងឆាប់រហ័ស។ ទន្ទឹមនឹងនោះ ខ្លាញ់ពិតជាធ្វើឱ្យការរំលាយអាហារយឺត និងផ្តល់កាឡូរីយ៉ាងសំខាន់” ដូច្នេះហើយប្រសិនបើអ្នកទទួលទានជាតិខ្លាញ់តិចនោះ វាអាចនឹងធ្វើឲ្យមានផលប៉ះពាល់ដល់ការទទួលទានកាឡូរីសរុបរបស់អ្នក។
បន្ថែមពីនេះ ការទទួលទានជាតិខ្លាញ់ និងកាឡូរីតិចពេក វាក៏បានបង្កឲ្យរាងកាយរបស់អ្នកមិនមានថាមពលគ្រប់គ្រាន់ដើម្បីបន្តដំណើរផងដែរ នោះហើយជាមូលហេតុដែលធ្វើឲ្យអ្នកមានអារម្មណ៍មិនមានថាមពលក្នុងការបញ្ចេញសកម្មភាព និងអស់កម្លាំងគ្រប់ពេលវេលា។
ខាងក្រោមនេះគឺជាសញ្ញាសម្គាល់មួយចំនួនដែលបង្ហាញថា រាងកាយរបស់អ្នកកំពុងតែប្រឈមជាមួយនឹងការខ្វះជាតិខ្លាញ់ ៖
– មានអារម្មណ៍ឈឺចាប់ក្នុងសន្លាក់
ការស្រាវជ្រាវបានបង្ហាញថា អាស៊ីតខ្លាញ់ដែលមានសុខភាពល្អ មាននៅក្នុងត្រីសាលម៉ុន គ្រាប់ធុញ្ញជាតិវ៉ាល់ណាត់ ត្រីធូណា និងគ្រាប់ពូជ flax… ដោយវាមានសមត្ថភាពក្នុងការជួយរក្សា និងចែកចាយកោសិកានីមួយៗ នៃឆ្អឹងពីក្បាលដល់ចុងជើង។ ដូច្នេះនៅពេលដែលមាតិកាខ្លាញ់ក្នុងរាងកាយមានកម្រិតទាប សន្លាក់នឹងបាត់បង់ភាពបត់បែន និងបង្កើនការរលាក ហេតុនេះហើយទើបវាបណ្តាលឱ្យកើតមាននូវការឈឺសន្លាក់ឆ្អឹង។
– ស្បែកតែងតែស្ងួត
ខ្លាញ់នៅក្នុងរបបអាហារ និងរាងកាយមានសារៈសំខាន់យ៉ាងខ្លាំងសម្រាប់ស្បែកដែលមានសុខភាពល្អ។ លើសពីនេះ អ្នកដែលមើលទៅស្គមស្គាំង ជាធម្មតាត្រូវបានគេដឹងថា បណ្ដាលមកពីការមិនបរិភោគកាបូអ៊ីដ្រាតដែលរក្សាទឹកច្រើន ដូច្នេះការខ្វះជាតិទឹកគឺជារឿងធម្មតា។ នៅពេលដែលអ្នកខ្សោះជាតិទឹក រាងកាយរបស់អ្នកនិងទាញយកជាតិទឹកពីស្បែករបស់អ្នក ហើយផ្ទេរទៅកាន់សរីរាង្គសំខាន់ៗរបស់អ្នក។ ដូច្នេះហើយទើបជាហេតុធ្វើស្បែករបស់អ្នកប្រែទៅជាស្ងួត និងបែកស្រកា។
លើសពីនេះទៅទៀត បើយោងតាមអ្នកជំនាញផ្នែកចំណីអាហារដែលបានចុះបញ្ជីឈ្មោះ Bonnie Taub-Dix បានធ្វើការបកស្រាយថា “សញ្ញាមួយក្នុងចំណោមសញ្ញាធំបំផុតដែលអ្នកទទួលទានជាតិខ្លាញ់មិនគ្រប់គ្រាន់ជួបប្រទះនោះគឺស្បែកស្ងួត ដែលវាអាចបង្កើនល្បឿននៃភាពចាស់បានយ៉ាងឆាប់រហ័សផងដែរ ។