ក្រពេញទីរ៉ូអ៊ីត គឺជាសរីរាង្គ endocrine ដែលផលិតអរម៉ូនជួយគ្រប់គ្រងការរំលាយអាហារនៅក្នុងរាងកាយ។ ដោយភាគច្រើនងាយកើតឡើងចំពោះស្ត្រីជាជាងបុរស បើយោងតាមរបាយការណ៍មួយបានបង្ហាញថា ស្ត្រីម្នាក់ក្នុងចំណោម 8 នាក់នៅលើពិភពលោកមានបញ្ហាក្រពេញទីរ៉ូអ៊ីត។ ហើយ60% នៃស្ត្រីដែលមានបញ្ហាក្រពេញទីរ៉ូអ៊ីតនេះភាគច្រើនគឺពួកគេមិនបានដឹងអំពីរោគសញ្ញានៃជំងឺនេះមុនឡើយ ។
ខាងក្រោមនេះគឺជារោគសញ្ញាមួយចំនួននៃជំងឺក្រពេញទីរ៉ូអ៊ីត ដែលអ្នកមិនគួរមើលរំលង៖
- ស្បែកខ្មៅនៅជុំវិញក
រោគសញ្ញាដំបូងទូទៅនៃជំងឺក្រពេញទីរ៉ូអ៊ីតដែលអ្នកមិនអាចព្រងើយកន្តើយបាននោះ គឺជាការផ្លាស់ប្តូរពណ៌នៃស្បែកនៅជុំវិញករបស់អ្នក។
ដោយយោងតាមការស្រាវជ្រាវបានបង្ហាញថា ស្បែកខ្មៅដែលកើតមានឡើងនៅជុំវិញក ជាញឹកញាប់វាជាការបង្ហាញពីការផលិតអរម៉ូនច្រើនពេក ដែលជាហេតុបណ្តាលមកពីក្រពេញទីរ៉ូអ៊ីតកើនឡើងច្រើន ។ លើសពីនេះនៅពេលដែលក្រពេញទីរ៉ូអ៊ីតដំណើរការមិនបានត្រឹមត្រូវ វាក៏អាចបណ្តាលឱ្យមានបញ្ហាស្បែកស្ងួត រមាស់ ស្បែកខ្លាញ់ និងក្រចកផុយ ផងដែរ។
- អស់កម្លាំង និងខ្សោយថាមពល
ភាពអស់កម្លាំង និងខ្សោយថាមពលក្នុងរាងកាយ ត្រូវបានបណ្តាលមកពីមូលហេតុផ្សេងៗជាច្រើន។ ដោយអាយុកាន់តែច្រើន សុខភាពចុះខ្សោយ និងភាពតានតឹងប្រចាំថ្ងៃក៏អាចនាំឱ្យកើតមានអាការៈបែបនេះផងដែរ។ ទោះជាយ៉ាងណាក៏ដោយ ការអស់កម្លាំងមិនធម្មតា ឬរ៉ាំរ៉ៃ ជាញឹកញាប់ដែលធ្វើឲ្យអ្នកមានអារម្មណ៍អស់កម្លាំងក៏មានការទាក់ទងនឹងជំងឺក្រពេញទីរ៉ូអ៊ីតផងដែរ ។ ដោយក្រពេញទីរ៉ូអ៊ីតមានឥទ្ធិពលលើការរំលាយអាហារ ដូច្នេះនៅពេលដែលសកម្មភាពនេះថយចុះ វានឹងធ្វើឱ្យអ្នកអស់កម្លាំង និងងងុយគេង។ទន្ទឹមនឹងនេះ ក្រពេញទីរ៉ូអ៊ីតដំណើរការលើសទម្ងន់ ការរំលាយអាហារខ្លាំងពេក វាក៏អាចបណ្តាលឱ្យស្រកទម្ងន់ និងបណ្តាលឱ្យអស់កម្លាំង និងខ្សោយថាមពលរាងកាយ ក៏ដូចជាធ្វើឲ្យមានអាការៈ ញ័របេះដូង និងខ្សោយសាច់ដុំ ផងដែរ ។
