ក្រោយពីពួកក្រុមតាលីប៉ង់ បានចូលមកកាន់កាប់ប្រទេសអាហ្វហ្គានីស្ថាននោះ ពេលនេះពួកគេបានប្រកាសបិទបណ្ដាញសង្គម TikTok និង ហ្គេម Pubg នៅក្នុងប្រទេសខ្លួន។
នៅក្នុងការប្រកាសបិទនេះផងដែរ ក្រុមតាលីប៉ង់ បានលើកឡើងថា “ដោយសារតែយុវជនអាហ្វហ្គានីស្ថាន សឹងតែទាំងអស់កំពុងវង្វេងនិងកម្មវិធីទាំងពីរនេះ”។ លើសពីនេះទៅទៀត ក្រុមតាលីប៉ង់ ក៏បានប្រមានថា ទូរទស្សន៍ណាដែលចាក់ផ្សាយនូវសកម្មភាពអសីលធម៌ នឹងត្រូវប្រឈមការបិទជាបន្ទាន់។ 
គួរបញ្ជាក់ផងដែរថា នេះជាលើកដំបូងហើយដែលក្រុមតាលីប៉ង់ បិទដំណើរការបណ្តាញសង្គម និងហ្គេមនៅក្នុងប្រទេសខ្លួន ចាប់តាំងពីឡើងកាន់អំណាចពីខែសីហាមក៕
ប្រភព: BBC
