ភ្នំពេញ៖ ដូចជាមានការផ្ទុះឡើងវិញហើយករណីបងប្អូនប្រជាពលរដ្ឋខ្មែរយើងមួយចំនួនបាននាំគ្នាក្រាលកន្ទេលជួបជុំគ្នាបរិភោគអាហារ ផឹកស៊ី រហូតឈានដល់ការដាក់ធុងបាស់ស្ដាប់ចម្រៀងលាន់លឺត្រហឹងអឺងកងនៅជុំវីញទីធ្លាព្រលានយន្ដហោះអន្តរជាតិ ដែលទង្វើទាំងអស់នេះមើលទៅពិតជាខុសឆ្គងមែនទែន ដោយតម្រូវឲ្យបញ្ឈប់ជាបន្ទាន់។
ជាក់ស្ដែងបើយោងតាមការបង្ហោះរបស់លោក ផែង វណ្ណៈ នៅលើបណ្ដាញសង្គមហ្វេសប៊ុកបានរៀបរាប់ឲ្យដឹងថា៖ «មុននេះខ្ញុំជូនកូនស្រីឡេីងយន្តហោះទៅក្រៅប្រទេស ខ្ញុំឃេីញទិដ្ឋភាពផឹកស៊ីនៅព្រលានយន្តហោះអន្តរជាតិភ្នំពេញច្រេីន ។ ខ្ញុំឆ្ងល់ថា ពេលមកទទួលបងប្អូនកូនចៅមកពីក្រៅប្រទេស សុទ្ធតែដឹងពេលវេលាច្បាស់លាស់ យន្តហោះចុះចតម៉ោងប៉ុន្មាន ? ថ្ងៃណា ? ហេតុអ្វីមុននឹងចេញមកទទួលមិននាំគ្នាហូបបាយពីផ្ទះអោយហេីយ ? បេីផ្ទះនៅខេត្តឆ្ងាយ ខ្ចប់បាយមកហូប ម្ដេចមិនរកកន្លែងណាផ្សេងក្រៅពី ព្រលានយន្តហោះអន្តរជាតិភ្នំពេញ ?
បងប្អូនមានគិតថា មានអារម្មណ៍ខ្មាសអៀនខ្លះទេ ដែលនាំគ្នាផឹកស៊ីពេញព្រលានយន្តបែបនេះ ? តេីយេីងយកមុខទៅទុកនៅឯណាពេលភ្ញៀវអន្តរជាតិឃេីញទិដ្ឋភាពបែបនេះ ? គួរតែឈប់ទៅបងប្អូនអេីយ អាណិតមុខមាត់ជាតិយើងខ្លះផង ។
សន្តិសុខ ព្រលានយន្តហោះអន្តរជាតិភ្នំពេញ មេត្តាពិនិត្យមើលករណីនេះផង មិនគួរអោយមានបែបនេះទេ អាក្រក់ភ្នែកខ្លាំងណាស់» ៕
