ខេត្តកណ្ដាល ៖ មន្ត្រីក.ប.ប សាខាខេត្តកណ្ដាល បានបើកប្រតិបត្តិការក្នុងការចុះបង្រ្កាប និងចុះត្រួតពិនិត្យទំនិញនានានៅស្រុកស្អាងខេត្តកណ្ដាល ដោយក្នុងនោះជំនាញបានរកឃើញនូវចាហួយម៉ាក Thanh Binh ចំនួន៣៩កេស និង៥កញ្ចប់ធំ ទម្ងន់៣៩៥គីឡូក្រាម ដែលមានផ្ទុកសារធាតុគីមី ប៉ះពាល់សុខភាពក្មេង និងមនុស្សដែលបានញ៉ាំយ៉ាងធ្ងន់ធ្ងរជាទីបំផុត។លោក តូច ចៅកុយ ប្រធាន ក.ប.ប សាខាខេត្តកណ្ដាល បានឲ្យដឹងថា កាលពីថ្ងៃទី២២ ខែមេសា ឆ្នាំ២០២២ ថា មន្ត្រីបានចុះត្រួតពិនិត្យដេប៉ូ ចែកចាយទំនិញចំនួ ន៣ទីតាំង និងសិប្បកម្ម ១ទីតាំង ស្ថិតនៅក្នុងឃុំ ត្រើយស្លា ស្រុកស្អាង ខេត្តកណ្តាល សរុបបាន ៤ទីតាំង ដោយក្នុងនោះរកឃើញមួយកន្លែងបានដាក់លក់នូវប្រភេទទំនិញចាប់ហួយដូរម៉ាក ដែលនាំចូលពីវៀតណាមខុសច្បាប់ ដែលទំនិញនេះត្រូវបានរាជរដ្ឋាភិបាលកម្ពុជា ហាមឃាត់តាំងពីឆ្នាំ២០១៦ ព្រោះឃើញថាជាទំនិញដែលគ្មានគុណភាពផ្ទុកសារធាតុគីមី ប៉ះពាល់សុខភាពក្មេង និងមនុស្សដែលបានញ៉ាំយ៉ាងធ្ងន់ធ្ងរជាទីបំផុត ។ បន្ទាប់មក មន្ត្រីជំនាញបានធ្វើការពិន័យអន្តរការណ៍ ចំពោះអ្នកដែលបានលក់ដូរ និងបានអប់រំ ព្រមទាំងព្រមានផ្លូវច្បាប់ផងដែរ បើសិនជានៅតែបន្តលក់ដូរនិងនាំចូលមកម្ដងទៀត ។
ជាមួយគ្នាដែរ លោកក៏បានអំពាវនាវដល់ប្រជាពលរដ្ឋ មាតាបិតា និងសិស្សានុសិស្សទាំងអស់ ចៀសវាងនូវការទទួលទានចាហួយដូងម៉ាកនេះ ពីព្រោះថាវាគឺជាទំនិញដែលត្រូវបានហាមឃាត់ព្រោះទំនិញគ្មានគុណភាព មានផ្ទុកសារធាតុគីមីដែលបង្កគ្រោះថ្នាក់ដល់អាយុជីវិត និងបង្កជាជំងឺធ្ងន់ធ្ងរផ្សេងៗ៕
Home ព័ត៌មានជាតិ