ថៃ៖ បុរសអនាថាម្នាក់ រស់នៅត្រាច់ចរទីក្រុងបាងកក បានជួបជុំគ្រួសាររបស់គាត់ឡើងវិញ បន្ទាប់ពីអ្នករត់ម៉ូតូឌុបម្នាក់ បានចែករំលែកវីដេអូបុរសគាត់នៅលើបណ្តាញសង្គម Tik Tok រហូតដល់ក្រុមគ្រួសាររបស់គាត់បានប្រទះឃើញវីដេអូហើយក៏បានរូតរះធ្វើដំណើរយកគាត់ទៅរស់នៅឯផ្ទះវិញ។ នេះបើយោងតាមការចុះផ្សាយរបស់សារព័ត៌មាន Thethaiger ។
អ្នករត់ម៉ូតូឌុបឈ្មោះ Chaiyoot Kasron ដែលតែងតែថតវីដេអូរបស់មនុស្សអនាថានៅក្នុងទីក្រុងបាងកកហើយបង្ហោះវីដេអូនោះនៅលើ TikTok ដែលការធ្វើបែបនេះបានធ្វើឲ្យក្រុមគ្រួសារដែលកំពុងស្វែងរកជនអនាថាទាំងអស់នោះអាចរកឃើញពួកគេវិញ។ ដោយលោកបញ្ជាក់ដែលថា លោកបានថតវីដេអូរបស់បុរសអនាថាខាងលើផុសនៅក្នុងកម្មវិធី TikTok ដោយបានសរសេរថា «សង្ហាដូចតារាសម្ដែងជួរមុខរបស់ចិន» ខណៈវីដេអូនេះបានល្បីពេញបណ្ដាញសង្គមថៃ រហូតដល់ក្រុមគ្រួសាររបស់បុរសនោះបានធ្វើដំណើរទៅទីក្រុងបាងកក ដើម្បីទទួលកូនប្រុសយកទៅផ្ទះវិញ។
បុរសរត់ម៉ូតូឌុបក៏បាននិយាយដែលថា បុរសអនាថានោះមានភាពរួសរាយរាក់ទាក់ និងមើលទៅរូបរាងស្អាតទោះបីជាសក់ និងសម្លៀកបំពាក់របស់គាត់រញ៉េរញ៉ៃក៏ដោយ។ លោកបានបន្ថែមថា បុរសនោះហាក់មានបញ្ហាផ្លូវចិត្ត ប៉ុន្តែពេលខ្លះអាចទំនាក់ទំនងបានយ៉ាងល្អខុសពីជនអនាថាផ្សេងទៀត ដោយវីដេអូរបស់បុរសម្នាក់នេះមានការពេញនិយមបំផុតបើធៀបនឹងវីដេអូជនអនាថាផ្សេងទៀតដែលមានអ្នកចូលមើលរាប់ម៉ឺនដង។
ប្រព័ន្ធផ្សព្វផ្សាយថៃបានចែករំលែកថា បុរសអនាថានេះត្រូវបានគេបញ្ជូនទៅព្យាបាលនៅមន្ទីរពេទ្យវិកលចរិក Srithanya Hospital គ្រូពេទ្យបានសុំឱ្យគាត់នៅសម្រាកព្យាបាលនៅមន្ទីរពេទ្យយ៉ាងហោចណាស់ពីរសប្តាហ៍ ៕
សូមប្រិយមិត្តអញ្ជើញទស្សនាវីដេអូ ដូចខាងក្រោម៖
@chaiyootkasron วันอังคารที่15 ได้เจอสุดหล่อแล้วนะครับ เขาพูดรู้เรื่องเป็นบ้างครั้งผมไม่รู้จะช่วยยังไงครับ ถ้าเกิดญาติพี่น้องได้เห็นนะครับพานำเขาไปรักษาด้วยนะครับ
@chaiyootkasron พ่อลูกเขาคุยกันครับ🥰🥰 ดีใจด้วยนะครับ สุดหล่อได้กลับไปพร้อมกับคุณพ่อครับ🥰🥰
@chaiyootkasron คุณพ่อรับตัวสุดหล่อกลับแล้วนะครับ🥰 ต่อจากนี้ไป ขอให้สุดหล่อ พบเจอแต่สิ่งดีๆนะครับ กราบขอบพระคุณ เจ้าหน้าที่ตำรวจ สน ลุมพินี กำลังใจทุกๆท่าน ที่ทำให้มีวันนี้ได้นะครับ 🙏🏻🙏🏻🙏🏻❤️
@chaiyootkasron
