ការមានស្បែកស្អាតដោយមិនបាច់ផាត់មុខជារឿងសំខាន់ណាស់សម្រាប់មនុស្សស្រី ហើយនេះជាគន្លឹះជំនាញទាំង ១០ ដែលអាចជួយអ្នកបាន សម្រាប់កែបញ្ហាអ្នកដែលមានស្បែកងាយប្រតិកម្ម និងរមាស់។
- ប្រើក្រែមផ្តល់សំណើមជាជាងលាបឡេ
សម្រាប់ស្បែកស្ងួត និងងាយប្រតិកម្ម ការប្រើក្រែមផ្តល់សំណើម វាជាការប្រសើរជាងការប្រើឡេព្រោះវាផ្តល់នូវរបាំងកាន់តែក្រាស់ដើម្បីរក្សាជាតិទឹកសម្រាប់ស្បែករបស់អ្នក។
- ព្យាយាមកំណត់ពេលវេលានៃការងូតទឹក ឬងូតទឹកឱ្យនៅត្រឹម 10 នាទីប៉ុណ្ណោះ
ពេលវេលាងូតទឹកអតិបរមាដែលគ្រូពេទ្យបានណែនាំគឺប្រហែលពី 5 ទៅ 10 នាទី។ គ្រូពេទ្យជំនាញខាងសើស្បែកនិយាយថា នេះជាពេលគ្រប់គ្រាន់ដើម្បីសម្អាត និងផ្តល់សំណើមដល់ស្បែក។ ការប្រើប្រាស់ពេលវេលាយូរពេក អាចនាំឱ្យមានផលវិបាកមិនល្អចំពោះស្បែក ដូចជា បាត់បង់ប្រេងសំណើមពីធម្មជាតិ ស្បែកងាយប្រតិកម្មរមាស់ និងឡើងក្រហម រន្ធញើសរីកធំជាដើម។
- ប្រើផលិតផលថែរក្សាស្បែកដែល “គ្មានក្លិន”
ប្រសិនបើអ្នកសម្គាល់ឃើញថាស្បែករបស់អ្នករលាក និងងាយប្រតិកម្ម សូមប្រើឡេ សាប៊ូ និងទឹកសម្អាតដែលគ្មានក្លិន ព្រោះវាកាត់បន្ថយការរមាស់ និងការបង្កឱ្យមានប្រតិកម្មអាលែហ្សីតិចតួច។
- កុំបណ្តោយអោយស្បែកមុខស្ងួត
ក្រោយពីសម្អាតមុខរួច នេះពេលវេលាដ៏ល្អបំផុត ក្នុងការអនុវត្តស្បែកអោយមានសំណើម ដោយការបិទម៉ាស់ពីរ បីដងក្នុងសបា្តហ៍ ពិតជាកាត់បន្ថយភាពនឿយហត់របស់ស្បែកមុខបានមួយកម្រិត។
5 . ប្រើ sunscreen អោយត្រូវនឹងស្ថានភាពស្បែក
មនុស្សមួយចំនួនមានអាឡែស៊ីទៅនឹងឡេការពារកម្តៅថ្ងៃខ្លាំង ហើយមិនដឹងថាវាជាបញ្ហានោះទេ។ ជាលទ្ធផល ស្បែករបស់អ្នករបក និងឡើងក្រហម ដោយសារតែសមាសធាតុគីមីរបស់វា។
ប្រសិនបើអ្នកមានស្បែកងាយប្រតិកម្ម វាជាការប្រសើរក្នុងការប្រើឡេការពារកម្តៅថ្ងៃដែលមានស័ង្កសី ឬទីតានីញ៉ូមឌីអុកស៊ីត។