ថៃ៖ កាលពីពេលថ្មីៗនេះមន្ត្រីសុខាភិបាលថៃ បានព្រមានពីការបរិភោគមឹកឆៅមួយប្រភេទ ដែលបច្ចុប្បន្នគេកំពុងនិយមបរិភោគយ៉ាងភ្លូកទឹកភ្លូកដី ដែលក្រោយពេលដែលយ់ងបរិភោគវាហើយអាចប្រឈមមុខនឹងប៉ារ៉ាស៊ីត រួមទាំងជំងឺជាច្រើនប្រភេទ។ នេះបើយោងតាមការចុះផ្សាយរបស់សារព័ត៌មាន BangkokPost ។
លោក Pakpoom Dejhasadin ដែលជាអ្នកជំនាញខាងមន្ទីរពិសោធន៍ Panda Lab Docto បាននិយាយឲ្យដឹងថា បាក់តេរីក្នុងអាហារសមុទ្រដែលមិនទាន់ចម្អិនអាចបង្កឱ្យមានបញ្ហាពោះវៀនធ្ងន់ធ្ងរ រួមមាន រាគ ក្អួត ឈឺពោះខ្លាំង ឈឺក្បាល ការពុលអាហារ និងការកើនឡើងឱកាសនៃជំងឺរលាកខ្នែងពោះវៀន ថែមទាំងគ្រុនញាក់រយៈពេល១២ទៅ២៤ម៉ោង បន្ទាប់ពីទទួលទានវា ។
លោកបានបន្ថែមទៀតថា ការទទួលទានមឹកឆៅគឺមានហានិភ័យខ្លាំង នៅពេលដែលយើងបរិភោគវានោះវាប្រៀបបានបីដូចជាលេបប៉ារ៉ាស៊ីត anisakis ដែលមានប្រវែងពី២ ទៅ៥សង់ទីម៉ែត្រស្រដៀងទៅនឹងដង្កូវនាងដែរ ដូច្នេះហើយលោកសន្មត់ថា «មឹកស្រស់មានរសជាតិផ្អែម ប៉ុន្តែបើមិនចម្អិនទេ វាអាចចម្លងមេរោគបាន»។
ដូច្នេះហើយពលរដ្ឋទាំងអស់គួរតែផ្អាកបរិភោគមឹកដោយវិធីបែបនេះហើយងាកមមកបរិភោគដោយវិធីចម្អិនផ្សេងៗ ដើម្បីឲ្យកាន់តែមានសុវត្ថិភាពដល់សុខភាព ៕
សូមប្រិយមិត្តអញ្ជើញទស្សនាវីដេអូ ដូចខាងក្រោម៖
https://youtu.be/tZTbvyH-q0k?t=4
