យោងទៅតាមបណ្ឌិត Nguyen Duy Thinh វិទ្យាស្ថានជីវបច្ចេកវិទ្យា និងចំណីអាហារ សាកលវិទ្យាល័យបច្ចេកវិទ្យាហាណូយ បានបញ្ជាក់ថា៖ “មានស្ត្រីមេផ្ទះជាច្រើននាក់ដែលប្រើទឹកអំបិលសម្លាប់បាក់តេរីនៅក្នុងសាច់ និងត្រី ដូចជាការបំបាត់ធុំក្លិន ឬត្រាំបន្លែនៅពេលទិញមកពីទីផ្សារ។ តាមពិតទៅ នេះគ្រាន់តែអាចរារាំង ឬសម្លាប់បាក់តេរីក្នុងកម្រិតជាក់លាក់មួយប៉ុណ្ណោះ មិនមែនសម្អាតបានទាំងអស់ទេ។ បើនិយាយពីសារធាតុគីមីថ្នាំសម្លាប់សត្វល្អិត ទឹកអំបិលមិនអាចសម្លាប់បានទាំងស្រុងឡើយ។ ជាពិសេសការត្រាំបន្លែជាមួយទឹកអំបិល ងាយធ្វើអោយបន្លែឆាប់រលួយជាំ ខូចគុណភាពបន្លែ អញ្ចឹងហើយសូមអ្នកផ្លាស់ប្តូរមកអនុវត្តនូវវិធីថ្មីមួយទៀត ដែលមានប្រយោជន៍កម្ចាត់សំណល់ដែលជាប្រភេទថ្នាំសំលាប់សត្វល្អិត និងមេរោគ បានរហូតដល់ទៅ៩០% ។ ប្រសិនបើអ្នកចង់លុបបំបាត់សារធាតុគីមី និងសម្លាប់បាក់តេរីពីបន្លែអ្នកគួរតែប្រើទឹកខ្មេះ លាយជាមួយនឹងម៉្យៅសូដា ( baking soda ) លាយជាមួយទឹកក្នុងបរិមាណសមល្មម ដាក់ត្រាំបន្លែទុករយះពេល ៥នាទី ហើយលាងជម្រះជាមួយទឹកស្អាតធម្មតាម្តងទៀត នោះបន្លែរបស់អ្នកនឹងស្អាតបានរហូតដល់ទៅ៩០% ឯណោះ ៕