ក្រោយពីជួបហេត្តការណ៍ដួលសន្លប់(គាំងបេះដូង) នៅក្នុងព្រឹត្តិការណ៍ Euro 2020 រួចមក Eriksen មិនត្រូវបានផ្តល់សិទ្ធអោយលេងនៅក្នុងក្របខណ្ឌកំពូលអុីតាលី Serie A នោះទេ ដោយសារបញ្ហាសុខភាព។
កត្តានេះបានធ្វើអោយ Eriksen បង្ខំចិត្តចាកចេញពីទឹកដីអុីតាលី ដោយអាចនឹងមកចូលរួមជាមួយក្លិបចាស់របស់ខ្លួនវិញគឺ Ajax។ ខ្សែបម្រើវ័យ ២៩ឆ្នាំនេះ បានចំណាយពេល៣រដូវកាលនៅក្រុម Ajax ពោលគឺចាប់ពីឆ្នាំ ២០១០ ដល់ឆ្នាំ ២០១៣ មុខពេលដែលរូបផ្លាស់ទៅចូលរួមជាមួយ Tottenham Hotspur នៅចុងឆ្នាំ ២០១៣។
គួររំលឹកផងដែរ កាលពីព្រឹត្តិការណ៍ Euro 2020 នៅក្នុងជំនួបរវាងក្រុមដាណឺម៉ាក និងហ្វាឡង់ កីឡាករ Eriksen បានដួលសន្លប់ និងស្ទើរតែបាត់បង់ជីវិតថែមទៀតផង ក៏ប៉ុន្តែត្រូវបានក្រុមគ្រូពេទ្យធ្វើការជួយសង្គ្រោះទាន់ពេលវេលា៕
ប្រភព: TheSUN
