កាលពីយប់មិញ ក្រុមបិសាចក្រហម Manchester United បានទទួលរងបរាជ័យយ៉ាងស្ពឹកមុខនៅក្នុងដីខ្លួនឯង ដោយត្រូវបាន Liverpool លុត ៥-០។
ត្រឹមតែវគ្គទី១ នៅក្នុងការប្រកួតនេះ ក្រុមហង្សក្រហម Liverpool សុតបាន៤គ្រាប់ទៅហើយ ដោយយថ្វីជើង Salah ២គ្រាប់, Keita ១គ្រាប់ និង Jota ១គ្រាប់។ លុះឈានដល់វគ្គទី២ លេងបានតែ ៥នាទី Salah ដដែរក៏បានរកគ្រាប់បាល់ទី៣ (Hat-Trick)។ លទ្ធផល ៥-០ នេះ បានរក្សាររហូតដល់ចប់ការប្រកួត៩០នាទី។
បរាជ័យដ៏ច្រើនគ្រាប់នេះ ធ្វើអោយកៅអីរបស់គ្រូបង្វឹករបស់ Man Utd លោក Ole កាន់តែក្តៅ ស្របពេលដែលបច្ចុប្បន្ន Man Utd ស្ថិតនៅលេខ ៧ មានតែ ១៤ពិន្ទុប៉ុណ្ណោះ ពីការប្រកួត ៩លើកកន្លងទៅ៕
ប្រភព:Daily Mail