គណៈកម្មាធិការជាតិអូឡាំពិកវៀតណាម បានធ្វើការអះអាងថា នឹងរៀបចំការប្រកួតកីឡាស៊ីហ្គេម លើកទី៣១ នាពាក់កណ្ដាលខែឧសភា ឆ្នាំ២០២២។ ការអះអាងនេះ ធ្វើឡើងចំពោះមុខសមាជិកក្រុមប្រឹក្សាកីឡាអាស៊ីអាគ្នេយ៍ ក្នុងកិច្ចប្រជុំនៅថ្ងៃទី១៨ ខែតុលា។
បើទោះបីខាងវៀតណាមបានអះអាងយ៉ាងនេះក៏ពិតមែន ប៉ុន្ដែមិនទាន់មានការប្រាកដថ្ងៃច្បាស់នោះទេ គ្រាន់តែប្ដេជ្ញានឹងធ្វើឲ្យបាន នៅពាក់កណ្ដាលខែឧសភា។ ចំពោះពេលវេលាច្បាស់លាស់ វៀតណាមនឹងផ្ដល់លិខិតផ្លូវការដល់បណ្ដាប្រទេសសមាជិកក្នុងពេលឆាប់ៗនេះ។
គួរបញ្ជាក់ផងដែរថា ដោយសារបញ្ហាកូវីដ១៩ ទើបវៀតណាមបង្ខំចិត្តពន្យាពេលប្រកួតសុីហ្គេម មួយលើកជាពីរលើក៕
ប្រភព: CAMBODIA SEA GAMES 2023
