ប្រទេសថៃតែងតាំងស្រ្តីម្នាក់វ័យ៥៥ឆ្នាំ ជាអ្នកចាត់ការទូរទៅក្រុមជម្រើសជាតិឈុតធំ និងអាយុក្រោម២៣ឆ្នាំ

ប្រទេសថៃមិនទាន់បានរកឃើញគ្រូបង្វឹកក្រុមជម្រើសជាតិថ្មីនោះទេ បន្ទាប់ពីបណ្តេញគ្រូបង្វឹកសញ្ជាតិជប៉ុនចេញរួចមក។ មិនតែប៉ុណ្ណោះពេលនេះប្រទេសថៃបានដូរអ្នកចាត់ការទូទៅក្រុមជម្រើសជាតិថែមទៀត ដោយបានតែងតាំងលោកស្រី Nuanphan Lamsam ជំនួសវិញ។

Madam Pang ឬ លោកស្រី Nuanphan Lamsam  បានមានក្តីសង្ឃឹមយ៉ាងមោះមុតថា” នឹងស្តារកេរ្ត៍ឈ្មោះក្រុមបាល់ទាត់ជម្រើសជាតិថៃឡើងវិញ ក្រោមពីធ្វើមិនបានល្អនោះទេក្នុងការប្រកួតជម្រុះ World Cup 2022 កន្លងទៅ”។ គួរបញ្ជាក់ផងដែរ លោកស្រីមានអាយុ ៥៥ឆ្នាំ ហើយ និងធ្លាប់ដឹកនាំក្រុមជម្រើសជាតិស្រ្តីថៃទទួលបានលទ្ធផលល្អផងដែរ។

ក្រៅពីអាជីពក្នុងវិស័យបាល់ទាត់ លោកស្រី Nuanphan Lamsam ក៏ជាអ្នកជំនួញមួយរូបដ៏ល្បីឈ្មោះនៅក្នុងប្រទេសថៃថែមទៀតផង៕

ប្រភព: ASEAN FOOTBALL