ការប៉ះទង្គិចរវាងកីឡាករ និងអ្នកគាំទ្រនាំបានកើតឡើងនៅក្នុងក្របខណ្ឌលីគកំពូលបារាំង League 1 រវាងក្រុម Nice និង Marseille។
ហេតុការណ៍នេះបានកើតឡើង នៅពេល Dimitri Payet ត្រៀមទាត់បាល់ជ្រុង ក្រោយមកប្រហែលជាមានការឌឺដងដោយពាក្យសម្តីជាមួយអ្នកគាំទ្រ ស្រាប់តែគ្រវែងដបទឹកសុទ្ធចូលទីលាន។ ភ្លាមៗនោះ Payet ក៏គប់ត្រឡប់ទៅវិញ បន្ទាប់មកអ្នកគាំទ្រដែលពេញដោយកំហឹងក៏លោតចូលមកទីលានប្រតាយប្រតប់ជាមួយកីឡាករក្លិប Olympique de Marseille តែម្តង។បន្ទាប់ពីមានជម្លោះបែបនេះ ក្រុម Marseille បានបដិសេធក្នុងការបន្តការប្រកួតបន្តទៀត ដោយកីឡាករនិងគ្រូបបង្វឹកទាំងអស់មិនបានដើរចូលទីលានប្រកួតវិញនោះទេ។ លើសពីនេះទៅទៀត ក្នុងការប៉ះទង្គិចគ្នានេះដែរ កីឡាករ Marseille ជាច្រើននាក់បានរងរបួស ថែមទៀត៕