អត្ថប្រយោជន៍របស់ទឹកគឺជួយដល់សុខភាពរាងជាច្រើនរបស់មនុស្សទូទៅមិនថាក្មេង ឬចាស់បើទោះជាមិនបានទទួលទានអាហារក៏ដោយឲ្យតែបានបង្គ្រប់ជាតិទឹកក្នុងខ្លួនបានគ្រប់គ្រាន់។ ហើយការផឹកទឹកក៏អាចជួយឱ្យសម្រកទម្ងន់បានដែរប្រសិនបើអ្នកផឹកតាមក្បូនដែលបង្ហាញខាងក្រោមនេះ៖
ភ្ញាក់ពីពេលព្រឹកទឹកកែវដំបូង ឬទី១៖ បន្ទាប់ពីគេង ៧-៨ ម៉ោងរាងកាយនឹងខ្សោះជាតិទឹក អ្នកគួរផឹកទឹកក្តៅមួយកែវបន្ទាប់ពីភ្ញាក់ពីគេង។ វាជួយធ្វើឱ្យការរំលាយអាហារនៅក្នុងរាងកាយប្រសើរឡើង ពិសេសជៀសវាងហានិភ័យនៃការទល់លាមក និងជួយដុតបំផ្លាញជាតិខ្លាញ់យ៉ាងមានប្រសិទ្ធភាព។
កែវទឹកទី ២៖ គួរទទួលទាននៅម៉ោង ៩:០០ បន្ទាប់ពីទទួលទានអាហារពេលព្រឹករួចការផឹកទឹកមួយកែវជួយសម្អាតមាត់ និងជំរុញការរំលាយអាហារធ្វើឱ្យមេតាប៉ូលីសមានថាមពលលឿនក្នុងការដុតរំលាយកាឡូរីបានល្អប្រសើរមិនកកកុញនៅក្នុងខ្លួនប្រាណដែលបង្កឱ្យឡើងទម្ងន់។
កែវទឹកទី ៣៖ គួរម៉ោង ១១:៣០ កញ្ចប់ទឹកទីបីនៃថ្ងៃគួរតែត្រូវបានទទួលទានមុនពេលអាហារថ្ងៃត្រង់។ វានឹងជួយបង្កើនអារម្មណ៍ឆ្អែតកំណត់ការញ៉ាំអាហារពេលថ្ងៃត្រង់កាន់តែមានប្រសិទ្ធភាពនឹងមិនឡើងទម្ងន់។
កែវទឹកទី ៤៖ ម៉ោង ១៣:៣០ ទឹកមួយកែវនៅពេលរសៀលនឹងជួយដាស់ឲ្យអ្នកភ្ញាក់ដឹងខ្លួនដើម្បីចាប់ផ្តើមធ្វើការ នឹងជួយជំរុញចលនាក្រពះពោះវៀន នឹងកាត់បន្ថយបន្ទុកលើក្រពះចៀសវាងការប្រមូលផ្តុំចំណីអាហារ ឬសារធាតុចិញ្ចឹមដែលងាយបង្កជាតិខ្លាញ់អត់បានការច្រើនក្នុងក្បាលពោះ។
កែវទឹកទី ៥៖ ម៉ោង ១៥:៣០ ជាពេលវេលាដែលយើងឧស្សាហ៍ជួបប្រទះនឹងការឃ្លានអាហារញឹកញាប់មិនអាចទ្រាំបានក៏មានការផឹកទឹកមួយកែវនៅពេលនេះជួយកាត់បន្ថយចំណង់អាហារជួយបន្សាបជាតិពុលនៃពោះវៀនតូចនិងរំញោចអារម្មណ៍ស្រស់ស្រាយមិនឲ្យឃ្លានបាន។
កែវទឹកទី ៦៖ ម៉ោង ១៧:៣០-១៨:៣០ ការទទួលទានទឹកនៅពេលនេះអាចជួយកាត់បន្ថយភាពឃ្លាននិងកាត់បន្ថយភាពតានតឹងបន្ទាប់ពីធ្វើការងារ ឬសិក្សាអស់រយៈពេលពេញមួយថ្ងៃជួយបំពេញជាត់ទឹកដល់រាងកាយដែលនឿយហត់បានប្រសើរ។
កែវទឹកទី ៧៖ ម៉ោង ១៩:០០ ការទទួលទានទឹកមួយកែវនៅពេលនេះនឹងជួយជំរុញចរន្តឈាមក្នុងរាងកាយបង្កើនប្រសិទ្ធភាពបន្សាបជាតិពុល។ លើសពីនេះការផឹកទឹកមួយកែវមុនពេលអាហារពេលល្ងាចក៏អាចជួយអ្នកកំណត់ការញ៉ាំអាហារមិនច្រើនពេកដែលបណ្តាលឱ្យឡើងទម្ងន់។
កែវទឹក ៨៖ ម៉ោង ២១:០០-២២:០០ ផឹកទឹកមួយកែវ ១-២ ម៉ោងមុនពេលចូលគេងដើម្បីជួយជំរុញចរាចរឈាមរត់បានស្រួលជួយឲ្យគេងលក់ស្រួល និងការពារការខ្វះជាតិទឹកនៅពេលអ្នកគេង។ លើសពីនេះទៀតវាក៏ជួយដល់ការរំលាយអាហារថាមពលក្នុងពេលគេងជួយការពារការប្រមូលផ្តុំជាតិខ្លាញ់លើសក្នុងខ្លួនដែលនាំឲ្យធាត់៕
