រាជធានីភ្នំពេញ៖ កាលពីល្ងាចថ្ងៃទី៤ ខែមេសា ឆ្នាំ២០២១ សមត្ថកិច្ចប៉ុស្តិ៍រដ្ឋបាលគោកឃ្លាង បានចុះឃាត់ខ្លួនបុរស ៣ នាក់ ពីបទល្មើសវិធានការសុខាភិបាល ក្នុងការប្រយុទ្ធប្រឆាំង ជំងឺកូវីដ-១៩ (ជួបជុំស៊ីផឹក និងច្រៀងខារ៉ាអូខេ) នៅចំណុចមុខបន្ទប់ជួល ក្នុងផ្សារបឹងបៃតង ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ។
អ្នកល្មើសនឹងវិធានការរដ្ឋបាល កម្លាំងនគរបាលឃាត់បានចំនួន ០៣នាក់ រួមមាន ៖
ទី១. ឈ្មោះ អូន រតនា ភេទប្រុស អាយុ៣៧ឆ្នាំ ជនជាតិខ្មែរ មុខរបរ ជាងជួសជុលម៉ាស៊ីន ក្នុងរោងចក្រ ស្នាក់នៅបន្ទប់ជួលគ្មានលេខ ផ្លូវបេតុង ភូមិត្រពាំងស្វាយ សង្កាត់គោកឃ្លាង ។
ទី២. ឈ្មោះ ហូ រុនមុនី ភេទប្រុស អាយុ៣០ឆ្នាំ មុខរបរ លក់ដូរ ស្នាក់នៅបន្ទប់ជួលគ្មានលេខ ផ្លូវបេតុង ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
និងទី៣. ឈ្មោះ ហេង សូវីត ភេទប្រុស អាយុ៧២ឆ្នាំ ជនជាតិខ្មែរ មុខរបរនៅផ្ទះ ស្នាក់នៅបន្ទប់ជួលគ្មានលេខ ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
សម្ភារដែលបន្សល់ទុកនៅនឹងកន្លែង មាន ៖ ១. ធុងបាស់ ម៉ាកអាយអិន ពណ៍ខ្មៅចំនួន ០១គ្រឿង ២. ម៉ៃក្រូហ្វូន ចំនួន០១គូរ ៣. កៅអីជ័រ ចំរុះពណ៍ ចំនួន០៥កៅអី ។
ជនសង្ស័យ កំពុងឃាត់ខ្លួន នៅអធិការដ្ឋាននគរបាល ខណ្ឌសែនសុខ ដើម្បីអនុវត្តតាមនីតិវិធី
ទោះជាយ៉ាងនេះក្តី អ្នកលេងនៅលើបណ្ដាញសង្គមហ្វេសប៊ុកមួយចំនួនធំ មានការងើយឆ្ងល់ថា បើតាមរូបភាព ថតបានជាក់ស្តែងមានអ្នកអង្គុយផឹកស៊ី ចំនួន៥នាក់ ដល់ពេលឃាត់បានមានតែ៣នាក់ បាត់២នាក់ទៅណា ? ៕
