Keisuke Honda 🗣៖ ក្រុមជម្រើសជាតិជាច្រើន ដែលខ្លាំងៗប៉ុន្តែយើង នឹងព្យាយាមយកឈ្នះពួកគេ

អ្នកចាត់ការទូទៅក្រុមបាល់ទាត់ជម្រើសជាតិកម្ពុជា លោក Keisuke Honda បានបង្ហាញចំណាប់អារម្មណ៍តាមរយៈវីដេអូ ដែលត្រូវបានផ្សព្វផ្សាយដោយសហព័ន្ធកីឡាបាល់ទាត់កម្ពុជា (FFC) នៅថ្ងៃពុធ ទី៣១ ខែមីនា ឆ្នាំ២០២១ ដោយលោកបានលើកឡើងថា”យើងទាំងអស់គ្នាបានដឹងហើយថា មានក្រុមជម្រើសជាតិជាច្រើន ដែលខ្លាំងៗ ប៉ុន្តែយើងនឹងព្យាយាមយកឈ្នះក្រុមជម្រើសជាតិទាំងនោះ”។

លោក Keisuke Honda បានបន្ថែមទៀតថា”ខ្ញុំពិតជារីករាយ ក្នុងការបន្តកុងត្រាជា មួយក្រុមជម្រើសជាតិកម្ពុជា ក្នុងតួនាទីជាអ្នកចាត់ការទូទៅ ដែលគោលដៅរបស់ពួកយើង គឺការប្រកួតកីឡាស៊ីហ្គេម នៅឆ្នាំ២០២៣។ ដូចបានដឹងហើយ មានក្រុមជម្រើសជាតិជាច្រើន ដែលខ្លាំងៗជាងយើង ប៉ុន្តែយើងនឹងព្យាយាមយកឈ្នះក្រុមទាំងនោះ។ សូមអរគុណ ដែលតែងតែគាំទ្រពួកយើងកន្លងមក ហើយសូមបន្តគាំទ្រពួកយើង។ ជួបគ្នាឆាប់ៗ នៅក្នុងប្រទេសកម្ពុជា”។ 

លោក Keisuke Honda  និងត្រូវចាប់ដៃគ្នាជាមួយលោក  RYU HIROSE ដឹកនាំក្រុមបាល់ទាត់ជម្រើសជាតិទាំងឈុតធំ និង ឈុតអាយុក្រោម ២៣ឆ្នាំ។ ជាពិសេសជាងនេះ គឺត្រៀមខ្លួនធ្វើជាម្ចាស់ផ្ទះក្នុងការប្រកួតសុីហ្គេម ឆ្នាំ ២០២៣។

ប្រភព: សហព័ន្ធកីឡាបាល់ទាត់កម្ពុជា