តារាចម្រៀងរ៉េបលោក Vid Cooler កំពុងរៀបចំពាក្យបណ្តឹង ប្តឹងតារាចម្រៀងលោក ប្រុសឡា ក្នុងករណីអំពើហិង្សា៕ លោក នេត្រ ចាន់តារាវីត ហៅ Vid Cooler បានបង្ហោះសារលើបណ្តាញសង្គមហ្វេកប៊ុកថា”ស្វាគមន៍លោក តារាល្បីៗ ទាំងប៉ុន្មានដួងនៅខាងក្រោមនេះ..សូមលោកអញ្ជើញមកតុលាការ ដេីម្បីដោះស្រាយរឿងនេះ ខ្ញុំរងចាំនៅតុលាការ ..!!មានភស្តុតាងនេះរឿង ស្អុយជាច្រើនដែលលោកត្រូវចូលខ្លួន ..!!កុំគេចវេះ ព្រោះរឿងនេះ បេីមិនដោះស្រាយ គឺវាជាប់ជាមួយអស់លោកមួយជីវិត ..!!
បើតាមឯកសារពាក្យបណ្ដឹងដែលភ្ជាប់មកជាមួយដោយភាគីដើមបណ្ដឹង បានឲ្យដឹងសាច់រឿងថា បានកើតឡើងកាលពីថ្ងៃទី ៦ ខែសីហា ២០២០ ម្ល៉េះ។ កាលណោះ បើតាមសំដីរបស់ Vid Cooler មាននៅក្នុងពាក្យបណ្ដឹង គឺនៅវេលាម៉ោង ៤ :០០ លោកបានទៅទទួលទានអាហារនៅហាងផ្តះលេខ ២៥ E0 ផ្លូវលេខ ១៨៤ សង្កាត់ជ័យជំនះខណ្ឌដូនពេញ ដោយខាងលោកមានគ្នា ២នាក់អង្គុយញុំាស្រាបៀ៕
ពេលនោះ លោកបានដើរទៅតុមួយផ្សេងដែលមានប្រុសឡានិងគ្នីគ្នា៤នាក់កំពុងញុំាអាហារជុំគ្នាដែរ។ Vid Cooler បញ្ជាក់ថា លោកបានយកកែវទៅក្នុងបំណងសុំជល់កែវជាមួយភាគីប្រុសឡា ហើយពេលនោះ ប្រុសឡ បាននិយាយថា “ថ្ងៃនេះវាយបង់លុយ” ហើយលោកបានហៅប្រុសឡាចេញមកក្រៅដើម្បីនិយាយគ្នា ប៉ុន្តែពេលចេញដល់ខាងក្រៅ មិនទាន់បាននិយាយគ្នាផង ស្រាប់តែឈ្មោះ 4t5 ដែលលោកអះអាងថាជាប្អូនរបស់ប្រុសឡា បានយកដបស្រាវាយលោកបណ្ដាលឲ្យរបួសដេរ ៣០ថ្នេរ ឯអ្នកបង្កក៏បានគេចខ្លួនបាត់ទៅ៕
ពាក្យបណ្តឹងនេះគឺ ប្តឹងទៅលើលោក ប្រុសឡា, 4T5 និង MC Sey៕ ចំណែកខាងលោក ប្រុសឡា បន្ទាប់ពីបានឃើញសាររបស់ Vid Cooler រូបលោកក៏បានបង្ហោះសារលើបណ្តាញសង្គមវិញថា”បងប្អូនចាំស្តាប់សាច់រឿងទាំងសងខាងសិន ចាំវិនិច្ឆយ រាល់រឿងរ៉ាវ វាតែងតែមានដើមហេតុមេធាវីរបស់ខ្ញុំ កំពុងតែធ្វើការ សូមអរគុណ”៕
ចម្រៀង Diss Track នេះមុនដំបូងមានតែ MC BUll និង លោក ប្រុសឡា ទេ តែពេលនេះយើងឃើញាមានវត្តមាន Vid Cooler ម្នាក់ទៀត រហូតឈានទៅដល់ការប្រើប្រាស់អំពើហិង្សា៕
រូបភាព: Vid Cooler