បរទេស៖ បើតាមគេហទំព័រ Worldometer បានចេញផ្សាយ កាលពីវេលាម៉ោង៩ ព្រឹក ថ្ងៃទី៣០ ខែធ្នូ ឆ្នាំ២០២០ ថា ក្នុងរយៈពេល២៤ម៉ោង នៅលើពិភពលោក មានករណីឆ្លងថ្មី នៃកូវីដ-១៩ ចំនួន ៦១៩ ៣៤១នាក់ និងករណីស្លាប់ថ្មី ១៣ ៣៩៨នាក់ ធ្វើឲ្យចំនួនអ្នកឆ្លង បន្ដកើនឡើងដល់ ៨២ ៣០៥ ៤៨៧នាក់ ស្លាប់ ១ ៧៩៥ ១៧៨នាក់ និងជាសះស្បើយ ៥៨ ៣១៨ ២៤៦នាក។
រហូតមកដល់ពេលនេះ សហរដ្ឋអាមេរិក នៅតែជាប្រទេសរងគ្រោះខ្លាំងជាងគេបំផុត ដោយមានអ្នកស្លាប់ និងឆ្លងកូវីដ-១៩ច្រើន នៅលើពិភពលោក។ ប្រទេសមហាអំណាចលេខ១ ទាំងយោធា និងសេដ្ឋកិច្ចរបស់ពិភពលោកមួយនេះ មានអ្នកឆ្លង បន្ដកើតឡើងដល់ 19 976 328នាក់ (ឆ្លងថ្មី 193 484នាក់) ស្លាប់ 346 527នាក់ (ករណីស្លាប់ថ្មី 3 346នាក់) និងជាសះស្បើយ 11 842 349នាក់។ រីឯប្រទេសដែលមានអ្នកឆ្លងច្រើនជាងគេ បន្ទាប់ពីអាមេរិក រួមមាន ឥណ្ឌា (មានអ្នកឆ្លងជាង១០លាននាក់) ប្រេស៊ីល (មានអ្នកឆ្លងជាង៧លាននាក់) រុស្ស៊ី បារាំង អង់គ្លេស…ជាដើម។
អឺរ៉ុប ជាតំបន់ មានអ្នកឆ្លងជំងឺកូវីដ-១៩លំដាប់លេខ១ នៅលើពិភពលោក ដោយមានអ្នកឆ្លងសរុប កើនដល់23 102 490នាក់ (ឆ្លងថ្មី 204 558នាក់) ស្លាប់ 531 827នាក់ (ករណីស្លាប់ថ្មី 5 539នាក់ និងជាសះស្បើយ 11 319 559នាក់។ ប្រទេសមានអ្នកឆ្លងច្រើន នៅក្នុងតំបន់អឺរ៉ុប រួមមាន រុស្ស៊ី បារាំង អង់គ្លេស អ៊ីតាលី អេស្ប៉ាញ និងអាល្លឺម៉ង់…ជាដើម។
អាមេរិកខាងជើង ជាតំបន់ មានអ្នកឆ្លងច្រើនលំដាប់លេខ២ នៅលើពិភពលោក ដោយមានអ្នកឆ្លង សរុប កើនដល់ 22 902 547នាក់ (ឆ្លងថ្មី 218 009នាក់) ស្លាប់ 504 154នាក់ (ករណីស្លាប់ថ្មី 4 123នាក់) និងជាសះស្បើយ 14 112 540នាក់។ ប្រទេសមានអ្នកឆ្លងច្រើន នៅក្នុងតំបន់នេះ រួមមាន សហរដ្ឋអាមេរិក ម៉ិកស៊ីក កាណាដា …ជាដើម។
អាស៊ី ជាតំបន់ មានអ្នកឆ្លងកូវីដ-១៩ ច្រើនជាងគេលំដាប់លេខ៣ នៅលើពិភពលោក ដោយមានអ្នកឆ្លងសរុប បន្ដកើនដល់ 20 514 839នាក់ (ករណីស្លាប់ថ្មី 81 393នាក់) ស្លាប់ 334 674នាក់ (ករណីស្លាប់ថ្មី 1 413នាក់ និងជាសះស្បើយ 18 973 438នាក់។ រីឯប្រទេសដែលមានអ្នកឆ្លងច្រើនជាងគេ នៅតំបន់អាស៊ី រួមមាន ឥណ្ឌា តួកគី អ៊ីរ៉ង់ ឥណ្ឌូនេស៊ី អ៊ីរ៉ាក់ បង់ក្លាដែស និងហ្វីលីពីន …ជាដើម។
អាមេរិកខាងត្បូង ជាតំបន់មានអ្នកឆ្លងច្រើន លំដាប់លេខ៤ នៅលើពិភពលោក ដោយមានអ្នកឆ្លងសរុប កើនដល់ 13 023 562នាក់ (ឆ្លងថ្មី 86 327នាក់) ស្លាប់ 359 284នាក់ (ករណីស្លាប់ថ្មី 1 606នាក់) និងជាសះស្បើយ 11 610 401នាក់។ ប្រទេស ដែលមានអ្នកឆ្លងច្រើន នៅក្នុងតំបន់នេះ រួមមាន ប្រេស៊ីល អាហ្សង់ទីន កូឡុំប៊ី ប៉េរូ និងឈីលី …ជាដើម។
អាហ្វ្រិក ជាតំបន់ មានអ្នកឆ្លងច្រើន លំដាប់លេខ៥ នៅលើពិភពលោក ដោយមានអ្នកឆ្លងសរុប កើនដល់ 2 713 140នាក់ (ឆ្លងថ្មី 19 935នាក់) ស្លាប់ 64 166នាក់ (ករណីស្លាប់ថ្មី 717នាក់) និងជាសះស្បើយ 2 268 172នាក់។ ប្រទេសដែលមានអ្នកឆ្លងច្រើន នៅក្នុងតំបន់នេះ រួមមាន អាហ្វ្រិកខាងត្បូង ម៉ូរ៉ុកកូ និងអេហ្ស៊ីប…ជាដើម។
អាសេអានី ជាតំបន់ មានការឆ្លងតិចជាងគេបំផុត នៅលើពិភពលោក ដោយមានអ្នកឆ្លងសរុប 48 188នាក់ (ឆ្លងថ្មី 119នាក់) ស្លាប់ 1 058នាក់ (មិនមានករណីស្លាប់ថ្មី) និងជាសះស្បើយ 33 430នាក់។ រីឯប្រទេស និងដែនដី នៅក្នុងតំបន់នេះ ដែលមានអ្នកឆ្លងច្រើនជាងគេ រួមមាន ប្រទេសអូស្រ្ដាលី, French Polynesia, នូវ៉ែលហ្សេឡង់ដ៍…ជាដើម។
សូមជម្រាបថា វីរុសកូរ៉ូណា ហៅកាត់ កូវីដ-១៩ (Coronavirus Disease 2019 = Covid-19) នេះ បានផ្ទុះឡើងជាលើកដំបូង នៅក្នុងទីក្រុងវូហាន (ចិនអាន៖ អ៊ូហាន) ខេត្តហ៊ូប៉ី នាភាគកណ្ដាល នៃប្រទេសចិន កាលពីអំឡុងខែធ្នូ ឆ្នាំ២០១៩។ រហូតមកដល់ពេល វីរុសនេះ កំពុងតែរាតត្បាលពាសពេញពិភលោក ដោយមានប្រទេស និងដែនដីចំនួន២១៨ កំពុងឆ្លងមេរោគនេះ៕
