សម្តេចតេជោ ហ៊ុន សែន កាលពីព្រឹក ថ្ងៃទី១៥ ខែធ្នូ ឆ្នាំ២០២០ បានស្នើរដ្ឋមន្រ្តីក្រសួងអប់រំ យុវជននិងកីឡា លោក ហង់ ជួនណារ៉ុង ពិចារណាសម្រេចឲ្យសិស្ស ដែលត្រូវប្រឡងបាក់ឌុបឆ្នាំនេះ ជាប់ដោយស្វ័យប្រវត្តិ ដោយសារស្ថានភាពកូវីដ-១៩ នៅមិនទាន់ធូរស្រាល។
សម្តេចតេជោ លើកឡើងថា «វិបត្តិកូវីដ-១៩នៅបន្តអូសបន្លាយ មិនទាន់អាចដឹងថា ស្ថានភាពអាចល្អប្រសើរ នៅពេលណាទេ។ បើវាលំបាកពេក សូមឲ្យសិស្សបាក់ឌុបជាប់ទាំងអស់គ្នាទៅ»។
ក្រសួងអប់រំ កាលពីពេលកន្លងទៅនេះ បានប្រកាសរៀបចំការប្រឡងបាក់ឌុប នៅថ្ងៃទី១១ ខែមករា ឆ្នាំ២០២១ តែក្រោយមកដោយសារការផ្ទុះព្រឹត្តិការណ៍ ២៨ វិច្ឆិកា ទើបសម្រេចឲ្យតាមសាលា ជាអ្នករៀបចំការប្រឡង ដោយគិតនិទ្ទេសពិន្ទុជាប់ធ្លាក់តែម្តង។
ដោយសារតែបញ្ហាកូវីដ១៩នេះ ទើបសម្តេចនាយករដ្ឋមន្រ្ដី ស្នើដល់រដ្ឋមន្រ្ដីក្រសួងអប់រំ សូមពិចារណាឲ្យសិស្ស ទើបប្រលងបឋមភូមិកន្លងទៅថ្មីៗនេះ ក៏ជាប់ដោយស្វ័យប្រវត្តិផងដែរ៕