បរទេស៖ អាជ្ញាធរទេសចរណ៍ថៃនិយាយថា ពួកគេនឹងផ្តល់ការបញ្ចុះតម្លៃ៥០០បាតសម្រាប់រាល់ដំណើរកម្សាន្តរបស់ជនបរទេសនីមួយៗ។ ដោយពអាជ្ញាធរសង្ឃឹមថាគំរោងចំណាយថវិកាចំនួន២លានបាត នឹងជួយជំរុញទេសចរណ៍ក្នុងស្រុកឲ្យមានការកើនឡើងវិញ។ នេះបើយោងតាមការចុះផ្សាយរបស់សារព័ត៌មាន Thethaiger ។
នាយកផ្នែកទីផ្សារអាស៊ីខាងត្បូង និងអាស៊ីប៉ាស៊ីហ្វិកខាងត្បូង លោក Kulpramote Wannalert បានមានប្រសាសន៌ឲ្យដឹងថា ប្រាក់៥០០បាត ត្រូវបានគេរំពឹងថា នឹងលើកទឹកចិត្តជនបរទេសឱ្យធ្វើដំណើរក្នុងប្រទេស និងជំរុញទេសចរណ៍ក្នុងស្រុកក្នុងកំឡុងពេលបិទព្រំដែនអន្តរជាតិ។ ការធ្វើដំណើរត្រូវមានរយៈពេលយ៉ាងហោចណាស់១ យប់ ហើយកិច្ចព្រមព្រៀងផ្ដល់ប្រាក់គឺសម្រាប់តែជនបរទេស និងក្រុមគ្រួសារតែប៉ុណ្ណោះ។
ចាប់តាំងពីព្រំដែនអន្តរជាតិនៅតែត្រូវបានបិទក្រុមគោលដៅសក្តានុពលមួយសម្រាប់វិស័យទេសចរណ៍ថៃ គឺជនបរទេសដែលកំពុងធ្វើការ ឬសិក្សានៅប្រទេសថៃ ដែលគេស្គាល់ថា ជាជនបរទេសមានប្រមាណជាង១៨០ ០០០នាក់។
ខណៈដែលជនជាតិថៃមួយចំនួនបានបាត់បង់ការងារ ឬមានប្រាក់ចំណូលធ្លាក់ចុះចាប់តាំងពីជំងឺរាតត្បាតឆ្លងរាលដាលនេះប្រជាជនបរទេសជាច្រើនក៏ត្រូវបាត់បង់ដែរ។ ជនបរទេសខ្លះដែលធ្វើការជាគ្រូបង្រៀនបានចំណាយពេល៥ខែ ដោយមិនទទួលបានប្រាក់ខែចាប់តាំងពីកាលបរិច្ឆេទចាប់ផ្តើមសាលាត្រូវបានពន្យាពេលហើយមនុស្សជាច្រើនមិនបានទទួលប្រាក់ឈ្នួលសម្រាប់ថ្ងៃឈប់សម្រាក។ អ្នកផ្សេងទៀតដែលមានបំណងចង់ស្នាក់នៅក្នុងប្រទេសកំពុងប្រញាប់ប្រញាល់ប្រមូលប្រាក់រួមគ្នាដើម្បីចំណាយថ្លៃសេវាទិដ្ឋាការដែលអាចចំណាយអស់រាប់ពាន់បាត ចាប់តាំងពីព្រំដែនត្រូវបានបិទ ៕
