បរទេស៖ រដ្ឋមន្រ្តីក្រសួងព័ត៌មានឥណ្ឌា បានប្រកាសថា រោងចក្រផលិតទូរស័ព្ទក្រុមហ៊ុន Samsung របស់កូរ៉េខាងត្បូង នៅប្រទេសវៀតណាម នឹងផ្លាស់មកដាក់នៅប្រទេសឥណ្ឌា វិញក្រោមទុនវិនិយោគ៤០ពាន់លានដុល្លារអាមេរិច ដោយលោកបានបន្ថែមទៀតថា រោងចក្រផលិតទូរស័ព្ទ Iphone ក៏មិនបានមានបំណងទៅវិនិយោគនៅប្រទេសវៀតណាមឡេីយ នោះគឺរោងចក្រ Iphone នឹងផ្លាស់ទីពីប្រទេសចិន ទៅឥណ្ឌាដែរ ។ នេះបើតាមការចេញផ្សាយដោយសារព័ត៌មាន Economictimes កាលពីពេលថ្មីៗនេះ។
ក្នុងនោះ ក្រុមហ៊ុន Samsung ទំនងជាធ្វើពិពិធកម្មខ្សែសង្វាក់ផលិតកម្មរបស់ខ្លួនសម្រាប់ផលិតស្មាតហ្វូនទៅកាន់ប្រទេសឥណ្ឌាក្រោមគម្រោង PLI (ផលិតកម្មភ្ជាប់ការលើកទឹកចិត្ត) ហើយនេះនឹងជះឥទ្ធិពលដល់សមត្ថភាពដែលមានស្រាប់របស់ខ្លួន។
លោកបានបន្ថែមដែរថា វាជារឿងសោកស្តាយសម្រាប់ប្រទេសវៀតណាម ដែលនឹងបាត់បង់ដំណែងជាប្រទេសផលិតទូរស័ព្ទ Samsung ធំជាងគេបំផុត និងក្តីសង្ឃឹមថា ក្រុមហ៊ុន IPhone មកវិនិយោគនៅវៀតណាមបែរជាទៅប្រទេសឥណ្ឌាទៅវិញ ៕