បរទេស៖ មានហេតុការណ៍ដ៏គួរឱ្យភ្ញាក់ផ្អើលមួយបានកើតឡើងនៅប្រទេសឡាវ ក្រោយពីប្រជាពលរដ្ឋបានប្រទះឃើញសាកសព សិស្សស្រីអនុវិទ្យាល័យ២នាក់ដេកស្លាប់ក្នុងព្រៃ ក៏បានរាយការណ៍ប្រាប់សមត្ថកិច្ចចុះមកដល់ចំណុចកើតហេតុ ដើម្បីធ្វើកោសល្យវិច័យ។
សិស្សស្រីទាំងពីរនាក់នេះបានស្លាប់ ខណៈពេលដែលពួកនាងចេញពីសាលារៀន ហើយទៅរកបេះផ្លែឈើ ។ ករណីនេះខាងលើនេះ បានកើតឡើងនៅក្នុងខេត្តភាគខាងជើងប្រទេសឡាវ ។
ជាមួយគ្នានេះសមត្ថកិច្ចបានឱ្យដឹងថា សាកសពទាំងពីរនាក់ គឺបាត់ភ្នែកទាំងអស់ ព្រមទាំងមានរបួសក្បាលផងដែរ ដែលភ្លាមៗពិបាកនឹងឱ្យដឹងថា ជាករណីអ្វីឱ្យប្រាកដ រហូតមកដល់ពេលថ្មីៗនេះ សមត្ថកិច្ចក៏បានស្រាវជ្រាវ និងចាប់ខ្លួនជនសង្ស័យម្នាក់ដែលជាប់ សង្ស័យពីបទរំលោភ និងសម្លាប់ ជនរងគ្រោះទាំងពីរនាក់ខាងលើ ។
ប្រភពដដែលបានបន្តទៀតថា ជនសង្ស័យ គឺជាអ្នករស់នៅក្នុងភូមិជាមួយជនរងគ្រោះ ហើយព្រមទាំងមានការចង្អុរបង្ហាញពីសំណាក់ក្រុមគ្រួសារជនរងគ្រោះផងនោះ ប៉ូលិសក៏បានឃាត់ខ្លួនយកទៅសួរនាំ ។
នៅចំពោះមុខសមត្ថកិច្ចជនសង្ស័យបានសារភាពថា ខ្លួនពិតជាបានរំលោភ និងសម្លា ប់ជនរងគ្រោះទាំងពីរនាក់ខាងលើ ពិតប្រាដកមែន ព្រោះតែលួចស្រឡាញ់ពួកនាងយូរណាស់មកហើយ។
ក្រោយសារភាព សមត្ថកិច្ចក៏បានបញ្ជូនជនសង្ស័យទៅតុលាការដើម្បីដាក់ទោសទៅតាមច្បាប់ប្រទេស ចំណែកសាកសពជនរងគ្រោះទាំងពីរនាក់ ត្រូវបានប្រគល់ឱ្យក្រុមគ្រួសារធ្វើបុណ្យតាមប្រពៃណី ៕
ប្រភព៖ Tvpoolonline
