បរទេស៖ យោងតាមការចុះផ្សាយរបស់ទីភ្នាក់ងារសារព័ត៌មាន Bangkokpost កាលពីថ្ងៃអង្គារ ទី១៨ ខែសីហា ឆ្នាំ២០២០នេះ បានឲ្យដឹងថា ទូកនេសាទវៀតណាម៤គ្រឿង ត្រូវបានរឹបអូស រួមទាំងអ្នកនេសាទចំនួន៣៦នាក់ ក៏ត្រូវបានចាប់ខ្លួនពីបទនេសាទខុសច្បាប់ នៅក្នុងតំបន់សេដ្ឋកិច្ចផ្តាច់មុខរបស់ថៃ កាលពីថ្ងៃច័ន្ទ ទី១៧ ខែសីហានេះ។
លោក Capt Thiranan Madaeng នាយករងនៃការិយាល័យបញ្ជាការពង្រឹងការអនុវត្តដែនសមុទ្រថៃ បានប្រាប់អ្នកសារព័ត៌មានកាលពីថ្ងៃអង្គារថា សកម្មភាពនេះគឺជាផ្នែកមួយនៃប្រតិបត្តិការរួមគ្នាដែលពាក់ព័ន្ធនឹងទីភ្នាក់ងារជាច្រើន។
ក្រុមអ្នកបើកទូកល្បាតបានរកឃើញទូកនេសាទចំនួន៤គ្រឿង មកពីប្រទេសវៀតណាម បានចូលមកនេសាទខុសច្បាប់នៅក្នុងតំបន់សេដ្ឋកិច្ចផ្តាច់មុខរបស់ថៃ ដែលមានចម្ងាយប្រហែល៩២ម៉ាយ ពីតំបន់ Cape Tachi ក្នុងស្រុក Pattan ក្នុងស្រុក Yaring ។
ទូក២គ្រឿង គឺទូកនេសាទ ហើយទូក២គ្រឿង ទៀតមានម៉ាស៊ីនភ្លើង ដោយទូកទាំងអស់មាននាវិកចំនួន៣៦នាក់នៅលើ។ ទូកទាំងនោះត្រូវបានរឹបអូសហើយក្រុមនាវិកត្រូវបានចោទប្រកាន់ពីបទនេសាទខុសច្បាប់និងបទល្មើសដែលពាក់ព័ន្ធ ហើយបាននាំខ្លួនទៅដល់ការចុះចតទូកប៉ាតានីដើម្បីចាត់ការតាមផ្លូវច្បាប់។
គួរជម្រាបថា ចាប់តាំងពីដើមឆ្នាំសារពើពន្ធអាជ្ញាធរថៃ បានរឹបអូសទូកបរទេសចំនួន២៦គ្រឿង ក្នុងសកម្មភាពចំនួន១៣ សម្រាប់ការនេសាទខុសច្បាប់នៅក្នុងដែនទឹកតំបន់សេដ្ឋកិច្ចផ្តាច់មុខរបស់ថៃ ៕
