បរទេស៖ ខណៈភ្លើងសង្គ្រាមដែលហៀបនឹងផ្ទុះពាក់ព័ន្ធករណីប៉ះទង្គិចគ្នាដោយហិង្សារវាងទាហានចិន និងទាហានឥណ្ឌា នៅតាមបណ្តោយព្រំដែនជាប់ជម្លោះត្រង់តំបន់ ឡាដាក ថ្មីៗនេះចិន បានបញ្ចេញ Z-10 ជាឧទ្ធម្ភាគចក្រចម្បាំងកម្រិតមធ្យមរបស់ប្រទេសចិនដែលស្ថិតនៅលំដាប់ឧទ្ធម្ភាគចក្រពិឃាតទាំង១០ ក្នុងពិភពលោក ។
ឧទ្ធម្ភាគចក្ចម្បាំងរ Z-10 វាមានសមត្ថភាពអាចផ្ទុកកាណុង 33mm មីស៊ីលបាញ់កម្ទេចរថក្រោះ HJ-9 មីស៊ីលកម្ទេចរថក្រោះ HJ-10 ដែលទើបផលិតថ្មី និង មីស៊ីលធុន TY-90 ។ សមត្ថភាពអាចវាយប្រហារសត្រូវក្នុងចម្ងាយ820km និងមានល្បឿន300km/h។ វាត្រូវបានផលិតដោយក្រុមហ៊ុនរដ្ឋចិនChanghe Aircraft Industries Corporation (CAIC)ហេីយត្រូវបានផលិតដំបូងនៅឆ្នាំ2003 និងអភិវឌ្ឍន៍រហូតដល់ឆ្នាំ2012ទេីបដាក់ប្រេីប្រាស់ផ្លូវការក្នុងកងទ័ពចិន។
ឧទ្ធម្ភាគចក្រវាយប្រហារ Z-10 អាចត្រូវបានដាក់ពង្រាយជាចម្បងនៅក្នុងបេសកកម្មប្រឆាំង នឹងគ្រឿងសឹកសមរភូមិប្រយុទ្ធ។ ឧទ្ធម្ភាគចក្រនេះក៏អាចធ្វើប្រតិបត្តិការប្រយុទ្ធពីលើអាកាសដល់ដែនកំណត់ផងដែរ។
បច្ចុប្បន្នមានចំនួន៣០០គ្រឿង ដែលក្នុងមួយគ្រឿងមានតម្លៃ១៧លានដុល្លារអាមេរិចហេីយចាត់ទុកជាឧទ្ធម្ភាចក្រតម្លៃថ្លៃបំផុតមួយ ។ វាត្រូវបាននាំចេញទៅកាន់ប្រទេសប៉ាគ្គីស្ថានជាលេីកដំបូងចំនួន3គ្រឿង បន្ទាប់មក7គ្រឿងបន្ថែមនៅឆ្នាំ២០១៧ ៕
ប្រភព៖ army-technology
