Home ព័ត៌មានជាតិ ចង់ល្បីបាន Like & Share បង្ហោះបំពុលសង្គមថាមានគេបាញ់ប្រហារឧកញ៉ាធ្វើឱ្យចលាចលពេញសង្គម June 28, 2020 FacebookTwitter រាជធានីភ្នំពេញ ៖ ជនបំពុលសង្គមបានផ្សព្វផ្សាយព័ត៌មានក្លែងក្លាយថា «អម្បាញ់មិញនេះមានករណីបាញ់ប្រហារលោកឧកញ៉ា ដេវីត ឆៃណាវា នៅក្នុងបុរី ប៉េង ហ៊ួត» កាលពីរសៀលថ្ងៃទី២៧ ខែមិថុនា ឆ្នាំ២០២០ ។ តាមប្រភពស្នងការដ្ឋាននគរបាលរាជធានីភ្នំពេញក្រោយពីទទួលបានដំណឹងនេះរួចមកបានប្រតិកម្មភ្លាមៗចំពោះករណីខាងលើនេះ និងបានបញ្ជាក់យ៉ាងច្បាស់ថា នេះជាព័ត៌មានមិនពិត មិនមែនជាករណីឃាតកម្មឡេីយ គ្រាន់តែជាសកម្មភាពថតកុនតែប៉ុណ្ណោះ ។ ជុំវិញបញ្ហាបំពុលសង្គមនេះ នាយកដ្ឋានប្រឆាំងបទល្មើសបច្ចេកវិទ្យាបានឱ្យដឹងផងដែរថា កាលពីមុននេះបន្តិចមានជនបំពុលសង្គមបានផ្សព្វផ្សាយដោយចេតនាទុច្ចរិត ព័ត៌មានមិនពិតក្នុងគណនីហ្វេសប៊ុកមួយចំនួនដែលក្នុងនោះមានឈ្មោះ «Seyla AAî» ដោយប្រើរូបភាពពីក្នុងការថតខ្សែភាពយន្ត ប៉ុន្តែបានបន្ថែមខ្លឹមសារ ក្លែងក្លាយក្នុងគោលបំណង បង្កឱ្យមានភាពចលាចលក្នុងប្រទេសប៉ុណ្ណោះ ។ នាយកដ្ឋានប្រឆាំងបទល្មើសបច្ចេកវិទ្យា សូមឱ្យប្រជាពលរដ្ឋកុំមានការយល់ច្រឡំចំពោះខ្លឹមសារក្នុងគណនីមួយនេះ ហើយនាយកដ្ឋានក៏សូមណែនាំដល់ប្រជាពលរដ្ឋត្រូវមានការទទួលខុសត្រូវនូវព័ត៌មានដែលខ្លួនយកមកបង្ហោះ ឬចែកចាយ ទោះជាចេតនា ឬអចេតនាក្ដី ព្រោះលោកអ្នកអាចប្រឈមនឹងច្បាប់នូវរាល់ការផ្សព្វផ្សាយក្លែងបន្លំណាដែលបង្កឱ្យមានភាពចលាចលដល់សង្គម ៕