រាជធានីភ្នំពេញ ៖ ម៉ោងប្រមាណ៣ទៀបភ្លឺ ព្រឹកថ្ងៃទី១១ មីនា ២០២០នេះ ស្ដ្រីម្នាក់បានលោតពីលើខុនដូរ មួយកន្លែងឈ្មោះថា (WECAN) ស្ថិតនៅផ្លូវលេខ៩៩ ស្ថិតក្នុងភូមិ៧ សង្កាត់បឹងត្របែក ខណ្ឌចំការមន រាជធានីភ្នំពេញ បណ្តាលអោយស្លាប់ភ្លាមៗនៅនឹងកន្លែងកើតហេតុ ។
យ៉ាងណាគេនៅមិនទាន់ដឹងមូលហេតុច្បាស់លាស់ទេ បើតាមសន្ដិសុខ ប្រចាំនៅខុនដូរខាងលើ បានឲ្យដឹងថា ស្ត្រីជនរងគ្រោះឈ្មោះ ឃុន ស្រីស្រស់ អាយុ២៥ឆ្នាំ ស្នាក់នៅខុនដូរជាន់ទី៤ ។
សន្ដិសុខខុនដូរ បន្តថា មុនពេលកើតហេតុ នៅម៉ោងប្រមាណ២ទៀបភ្លឺ គេឃើញស្ដ្រីរងគ្រោះ ឡើងទៅជាន់ទី៥ ក្នុងដៃនាង មានកាន់កំប៉ុងស្រាបៀនិងកែវ ស្រាប់តែដល់ម៉ោងកើតហេតុ ឃើញនាងធ្លាក់មកដល់ក្រោយស្លាប់បាត់ទៅហើយ ។
ក្រោយកើតហេតុភ្លាមៗ គេឃើញមានកម្លាំងសមត្ថកិច្ច បានចុះពិនិត្យសាកសព នៅកន្លែងកើតហេតុ និងសន្និដ្ឋានថា ស្ដ្រីរងគ្រោះពិតជាលោតសម្លាប់ខ្លួនពិតប្រាកដមែន ខណៈមូលហេតុកំពុងស្រាវជ្រាវបន្ដ ។
បច្ចុប្បន្នសព ដឹកទៅវត្តស្ទឹងមានជ័យ ទុកដើម្បីរកក្រុមគ្រួសារមកទទួល ទៅធ្វើបុណ្យតាមប្រពៃណី ៕