រាជធានីភ្នំពេញ ៖ សម្តេចតេជោ ហ៊ុន សែន បានអោយដឹងនៅលើផេកហ្វេសប៊ុកថា បន្ទាប់ពីការអំពាវនាវរបស់សម្តេចតេជោកាលពីថ្ងៃទី២៣ ខែវិច្ឆិកា ឆ្នាំ២០១៩កន្លងទៅនេះ ដើម្បីជួយដល់មន្ទីរពេទ្យកាល់ម៉ែត មកដល់ម៉ោង៥ល្ងាច ថ្ងៃទី១៦ ខែធ្នូ ឆ្នាំ២០១៩នេះ សប្បុរសជនដែលបានចូលរួមបានថវិកាសរុបចំនួន74,553,536$ និងជាប្រាក់រៀលចំនួន 271,514,700 រៀល ។
សម្តេចតេជោ ហ៊ុន សែន បញ្ជាក់ថា បើគិតទាំងថវិការដ្ឋ 30លានដុល្លារផង មានចំនួន104,553,536$ និង
271,514,700រៀល ។
សម្តេចតេជោ ហ៊ុន សែន ក៏បានថ្លែងអំណរគុណចំពោះសប្បុរសជនដែលបានបរិច្ចាគ ដើម្បីសង្គ្រោះជិវិតមនុស្សតាមរយៈការធ្វើទំនើបកម្មមន្ទីរពេទ្យកាល់ម៉ែត ឱ្យក្លាយទៅជាមន្ទីរពេទ្យបង្អែករបស់ជាតិ ដែលមានលក្ខណៈទំនើបនិងពហុឯកទេស ។
ដោយថវិកាដែលទទួលបានល្មមគ្រប់គ្រាន់ដើម្បីចំណាយលើការសាងសង់ និងបំពាក់សម្ភារបរិក្ខារសម្រាប់មន្ទីរពេទ្យកាល់ម៉ែតរួចហើយ សម្តេចតេជោ ប្រកាសបញ្ចប់ការទទួលយកនូវការបរិច្ចាគ ពីសប្បុរសជន ចាប់ពីម៉ោង៧យប់ ថ្ងៃទី១៦ ខែធ្នូ ឆ្នាំ២០១៩ តទៅ ៕