ដំណាំល្ពៅ គឺជាប្រភេទដំណាំបន្លែម្យ៉ាងដែលដុះលូតលាស់នៅលើពិភពលោកជាច្រើនពាន់ឆ្នាំកន្លងមក ហើយម្យ៉ាងទៀតវាក៏ត្រូវបានគេប្រើប្រាស់ជាបន្លែដ៏មានប្រជាប្រិយភាព នៅក្នុងជីវភាពប្រចាំថ្ងៃ ។
ថ្វីត្បិតតែល្ពៅជាដំណាំដែលងាយស្រួលដាំក៏ពិតមែន ក៏ប៉ុន្តែវាក៏ត្រូវការឲ្យកសិករមើលថែវាឲ្យបានដិតដល់ដែល។ ក្នុងថ្ងៃនេះដែរយើង នឹងណែនាំពីវិធីសាស្រ្ដមួយប្រភេទដែលជួយឲ្យល្ពៅមានផ្លែច្រើន នឹងធំលឿនទៀតផង។
+សម្ភារត្រូវមាន៖
– ម្សៅទឹកដោះគោកូនក្មេង
– ទឹកស្អាត ។
+វិធីធ្វើ៖
– នៅពេលដែលយើងដាំល្ពៅបានប្រមាណ១ខែវានឹងចាប់ផ្ដើមចេញផ្កា ។
– លាយម្សៅទឹកដោះគោ ២ស្លាបព្រាបាយជាមួយទឹក២០លីត្រ រួចកូរវាឲ្យរលាយសព្វ ។
– យកទឹកនេះបាញ់ទៅលើផ្កាល្ពៅជារៀងរាល់ព្រឹក ដើម្បីទាក់ទាញសត្វល្អិតដូចជាឃ្មុំជាដើម មកក្រេបផ្ការបស់វាដែលជួយក្នុងការបន្តពូជរបស់ផ្កាល្ពៅទាំងនោះ ។
+វិធីសាស្ត្រមួយទៀតគឺ៖
– យើងអាចយកកេសលំអងពីផ្កាឈ្មោល ទៅផ្ដិតឲ្យជាប់លើកេសផ្កាញី ដើម្បីជំនួយក្នុងការ បន្តពូជរបស់វា ។
– បើយើងមិនអនុវត្តវិធីជួយបង្កាត់បែបនេះ ផ្កាល្ពៅញីខ្លះនឹងរោយស្វិតងាប់ទៅវិញព្រោះគ្មាន ការបង្ករកំណើត ៕