ដំឡូងបារាំង គឺជាដំណាំមើមមួយប្រភេទ ដែលគេដាំដុះច្រើនបំផុត នៅលើពិភពលោក ព្រោះតែវាសម្បូរទៅដោយ កាបូអ៊ីដ្រាត និងកាឡូរី ដែលផ្តល់ទៅឲ្យរាង្គកាយ បានយ៉ាងល្អ។ វាត្រូវបានគេយកទៅធ្វើជាបន្លែ អាហារសម្រន់ដ៏ឆ្ងាញ់ ពិសា និងពេញនិយមបំផុត។
ដើម្បីដាំដំឡូងបារាំងឲ្យបានល្អ គឺចាំបាច់ពឹងផ្អែកទៅលើបច្ចេកទេសក្នុងការដាំដុះ និងថែទាំ ដូចនេះក្នុងថ្ងៃនេះក្រុមការងារពួកយើង នឹងណែនាំពីបច្ចេកទេសដាំដំឡូងបារាំង ដូចខាងក្រោម៖
១. ការរៀបចំពូជ
– បណ្ដុះគ្រាប់ពូជដំឡូងបារាំង
– រក្សាទុកឃ្លាតពីគ្នា នៅកន្លែមានកម្ដៅថ្ងៃគ្រប់គ្រាន់
២. ការរៀបចំដាំ
– ជ្រួយដី ដាក់ជី ស្រទាប់ដីខាងលើ
– ពូនដីកម្ពស់ ៨ ស.ម ។ គំលាតពីជួរមួយទៅ ជួរមួយប្រវែង ២៥-៣៥ ស.ម
– ប្រមូលកម្ទេចដុំដី និងស្មៅចេញ
– ដាំដំឡូងបារាំងគំលាតពី ១ ដើម ទៅ ១ដើមប្រវែង ៣០ ស.ម ។
៣. ការថែទាំ
– ស្រោចទឹកឲ្យទៀងទាត់
– ពេលដំឡូងបារាំង ដុះបានកម្ពស់ប្រហែល ៥ទៅ ១០ ស.ម ត្រូវជ្រួយដី និងដាក់ជីបន្ថែម ។
៤. ការប្រមូលផល
– ស្លឹករីកបែកល្អ ឬសប្រែពណ៌ទៅជាពណ៌លឿង អាចប្រមូលផលបានហើយ ៕