ព្រះសីហនុ ៖ កម្លាំងការិយាល័យប្រឆាំងបទល្មើសព្រហ្មទណ្ឌ នៃកងរាជអាវុធហត្ថខេត្តព្រះសីហនុ បានបង្ក្រាប និងឃាត់ខ្លួនជនជាតិចិនចំនួន៦នាក់ ពាក់ពន្ធ័ករណីចាប់ជំរិត ជនជាតិចិនដូចគ្នា ។
ការចុះបង្ក្រាបនេះបានធ្វើឡើងកាលពីវេលាម៉ោង១២និង៤៥នាទីថ្ងៃទី៣០ ខែកញ្ញា ឆ្នាំ២០១៩ ស្ថិតនៅចំណុចក្នុងបុរីសុខសាន្ត ក្រុម១៤ ភូមិ៥ សង្កាត់លេខ៤ ក្រុង-ខេត្តព្រះសីហនុ ។
ក្នុងប្រតិបត្តិការបង្ក្រាបនេះ កម្លាំងកងរាជអាវុធហត្ថខេត្តព្រះសីហនុ បានរំដោះជនរងគ្រោះចំនួន០៤នាក់ ភេទប្រុស ជាជនជាតិចិន ដែលក្រុមជនសង្ស័យបានចាប់ឃុំឃាំង បង្ខាំងដោយខុសច្បាប់ និងជំរិតទារប្រាក់ ដោយប្រើទារុណកម្ម ។
ក្នុងនោះដែរ កម្លាំងកងរាជអាវុធហត្ថ បានដកហូតវត្ថុតាងមួយចំនួនដូចជា ៖ ទូរសព្ទដៃ ចំនួន០៦គ្រឿង, ខ្នោះដៃចំនួន០៤គូរ, រថយន្តចំនួន០១គ្រឿង, ប្រាក់ដុល្លាចំនួន១.៥០០ ដុល្លារ ព្រមទាំងសម្ភារមួយចំនួនទៀត ។
បច្ចុប្បន្នជនសង្ស័យទាំង៦នាក់ រួមនឹងវត្ថុតាងត្រូវបានកម្លាំងកងរាជអាវុធហត្ថកំពុងចាត់ការតាមនីតិវិធី ៕
