រាជធានីភ្នំពេញ ៖ វប្បធម៌«កោរមិនដាក់ទឹក» នាពេលបុណ្យទានគួរបញ្ឈប់ហើយ សម្រាប់ទំនិញនិងសេវាកម្ម នៅតាមតំបន់ទេសចរណ៍ ក្នុងស្រុក ព្រោះថាមានតម្លៃហួសការកំណត់លើស១០០ភាគរយទៀតក៏មាន ។ តើមូលហេតុអ្វីបានជាអ្នកលក់ និងអ្នកផ្តល់សេវាទាំងនោះ នាំគ្នាដំឡើងថ្លៃទំនិញ និងសេវា ស្រេចតែនឹងចិត្ត ពេលមានបុណ្យជាតិ និងថ្ងៃឈប់សម្រាកម្តងៗ ?
តាមការកតើសម្គាល់ ក្រោយបុណ្យទានម្តងៗមានការរអ៊ូរទាំពីសំណាក់ប្រជាពលរដ្ឋខ្មែរស្ទើរគ្រប់ទិសទី ក្លាយទៅជាវប្បធម៌ «កោរមិនដាក់ទឹក»នៅតាមតំបន់ទេសចរណ៍ ទៅហើយ ដូចជា ៖ នារដូវចូលឆ្នាំសកល ចូលឆ្នាំចិន ចូលឆ្នាំខ្មែរ សែនឆេងម៉េងចិន បុណ្យអុំទូក និងភ្ជុំបិណ្ឌនេះតែម្តង ។ KBN សូមលើកយកចំណុចមួយមកបង្ហាញ គឺកន្លែងជួលតូបអង្គុយលេង ក៏មិនលើកលែងដែរ គឺឆ្លៀតឱកាសឡើងថ្លៃកប់ពពក មិនថាម្ហូបអាហារ រឹតតែឡើងហួសពីការស្មានគឺកន្លែងអង្គុយលេង រហូតដល់ពេលខ្លះ ក៏មានការឈ្លោះប្រកែកគ្នា ដោយសារតែហូបមិនបានសួរតម្លៃមុន ហើយក៏ពុំមានតារាងតម្លៃមុខម្ហូបនីមួយៗ ឫក៏មិនកម្ម៉ង់ ក៏ត្រូវបង់លុយថ្លៃជួលដែរ ។
ជាក់ស្តែងគណនីហ្វេសប៊ុកមួយ មានឈ្មោះថា (បងគជ់) បានធ្វើការបង្ហោះវីដេអូ អមជាមួយខ្លឹមសារកាលពីថ្ងៃម្សិលមិញថា «មោះមកទស្សនាផ្ទាល់ពីទិដ្ធភាពកាលពី២៨ កញ្ញា ឆ្នាំ២០១៩ នៅឆ្នេរកែប ដែលអ្នកលក់នៅទីនោះ កោរមិនដាក់ទឹកហើយពិចារណាទាំងអស់គ្នា ដំបូងឡើយអ្នកលក់ថា តូបតំលៃ ៥ម៉ឺនរៀល តែទាល់កម្ម៉ង់ម្ហូបអាហារ ប្រាំមុខទៅ ទើបហ្វ្រីតូប(ឥតគិតថ្លៃតូប) ដោយតំលៃម្ហូបមួយមុខ តម្លៃ៦ម៉ឺនរៀល អ៊ីចឹងតែបើកម្ម៉ង់ ក្រោមប្រាំមុខ តូបមួយ ៥ម៉ឺនរៀល ដល់តែពេលចុងក្រោយ ម្ចាស់តូបនិយាយខ្លួនឯងដូចក្នុងវីដេអូថា បើអង្គុយមិនកម្ម៉ង់ម្ហូបហាងគាត់ទេ ត្រូវបង់ថ្លៃតូប ៥០ដុល្លារ បើមិនជឿរមើលវីដេអូអោយចប់មិនតែប៉ុណ្នោះ បើភ្ញៀវណា ចូលអង្គុយហើយ ដើរចេញវាគំរាមថា ត្រូវតែបង់ថ្លៃតូប៥០ដុល្លារដែរ តើខាងមន្ទីទេសចរណ៍ខេត្តកែប មានមើលឬទេអស់លោក កុំអោយស្អុយអោយសោះណាមិនត្រឹមតែប៉ុណ្នោះ ពេលភ្ញៀវនោះ គាត់អញ្ជើញចេញទៅ ម្ចាស់ហាង សុទ្ធតែយកអង្ករមកក្រវាសចេញទៀតផងពិចារណាផង ខាងអស់លោកខេត្តកែប គួរគិតថា អស់លោកជាអាជ្ញាធរដែនដី មិនថា យ៉ាងមិចទេ តែអោយវាសមរម្យបន្តិចទៅ»៕
