រាជធានីភ្នំពេញ ៖ ផ្លូវជាតិលេខ៥ ចំណុចពីក្រុងសិរីសោភ័ណ ទៅក្រុងប៉ោយប៉ែត នឹងអនុញ្ញាតអោយរថយន្តធុនធំ ធ្វើចរាចរណ៍វិញជាធម្មតា ចាប់ពីថ្ងៃទី១ តុលា ២០១៩ ស្អែកនេះហើយ ក្រោយពីទទួលរងជំនន់ទឹក នៃការបាក់ទំនប់ នៅអាងអូរខៃដន នេះបើតាមផេកហ្វេសប៊ុករបស់ក្រសួងសាធារណការ ។
សូមជម្រាបថា កាលពីថ្ងៃទី២៩ កញ្ញា ទឹកជំនន់បានស្រក ទឹកមិនហូរលើផ្លូវទៀតទេ ចំពោះកំណាត់ផ្លូវនេះ មិនមានការខូចខាតផ្លូវ ជាសំបុកមាន់លើទ្រូងផ្លូវទេ គ្រាន់តែទឹក ហូរច្រោះ និងបាក់ចិញ្ចើមផ្លូវ ប្រវែង៤០០ម៉ែត្រ ខាងស្តាំដៃ ពីសិរីសោភ័ណ ទៅប៉ោយប៉ែត តែប៉ុណ្ណោះ ។
យ៉ាងណាក្រុមការងារមន្ទីរសាធារណការ និងដឹកជញ្ជូនបន្ទាយមានជ័យ សហការជាមួយរដ្ឋបាលខេត្ត នឹងធ្វើការពិនិត្យ ដោះស្រាយការខូចខាតនានា និងអនុញ្ញាតអោយ រថយន្តធុនតូចធំ ធ្វើចរាចរណ៍ នៅថ្ងៃទី១ តុលា ២០១៩នេះ វិញជាធម្មតា ៕
