រាជធានីភ្នំពេញ ៖ យោងតាមអគ្គនាយកដ្ឋាននគរបាលអន្តោប្រវេសន៍កម្ពុជា បានឱ្យដឹងថា ជនជាតិចិនទាំង ២៦នាក់ ក្នុងនោះមានស្ត្រី៦នាក់ ត្រូវបាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ បង្ក្រាប់កាលពីថ្ងៃទី២១ ខែសីហា ឆ្នាំ២០១៩ នៅក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
ជនជាតិចិនពាក់ព័ន្ធនឹងករណីឆបោកតាមប្រពន្ធ័ទូរគមនាគមន៍(VOIP) ទាំងនេះ ត្រូវបានបញ្ជូនចេញពីប្រទេសកម្ពុជាសហការគ្នានិងកម្លាំងសមត្ថកិច្ចរបស់ចិន ចាប់បញ្ជូនចេញពីប្រទេសកម្ពុជា នៅព្រឹកថ្ងៃទី២៦ ខែកញ្ញា ឆ្នាំ២០១៩នេះ តាមយន្តហោះនៅអាកាសយានដ្ឋានអន្តរជាតិភ្នំពេញ ៕