ជាទូទៅ មនុស្សយើងគ្រប់រូបតែងតែមានការធ្វេសប្រហែសជានិច្ច នៅពេលធ្វើសកម្មភាពប្រចាំថ្ងៃ ក៏ដូចជាពេលរលាកភ្លើង រលាកទឹកក្ដៅ រលាកបំពង់ស៊ីម៉ាំង នៅពេលមានករណីគ្រោះថ្នាក់នេះកើតឡើង យើងតែងតែប្រើប្រាស់វិធីមួយចំនួនដើម្បីបំបាត់ការឈឺចាប់ ដែលវិធីទាំងនេះគ្រាន់តែជាការចែករំលែក ដឹងលឺតៗគ្នាតែប៉ុណ្ណោះ។
ដែលមិនបានដឹងថាតើវាពិតជាត្រឹមត្រូវតាមក្បួនខ្នាតនោះទេ។ ដើម្បីឲ្យអស់ចម្ងល់ក្រុមការងារពួកយើង និងធ្វើការណែនាំរៀបរាប់ពីវិធីគួរធ្វើ និងត្រូវធ្វើពេលរលាកភ្លើង ឬទឹកក្តៅ។
១/- រឿងត្រូវធ្វើពេលរលាកភ្លើង ឬទឹកក្តៅ
– ត្រាំទឹកត្រជាក់ភ្លាមៗពេលរលាក
– ប្រើស្ព្រៃយ៍សម្រាប់បាញ់ការរលាក
– យកប្រទាលកន្ទុយក្រពើកន្លែងរលាក
– លាបទឹកឃ្មុំលើមុខរបួស
– លាបទឹកថ្នាំសម្លាប់មេរោគ បេតាឌីន។
ក្នុងករណីរលាកភ្លើង ឬទឹកក្តៅធ្ងន់ធ្ងរ ក្រោយពីធ្វើតាមការណែនាំខាងលើរួច យើងត្រូវយកកំណាត់ស្អាតមកគ្របមុខរបួស រួចនាំអ្នកជំងឺទៅមន្ទីរពេទ្យភ្លាមៗ។
២/- រឿងមិនត្រូវធ្វើពេលរលាកភ្លើង ឬទឹកក្តៅ
– មិនត្រូវយកម្សៅ ឬប្រេង មកលាបលើមុខរបួស
– មិនត្រូវយកទឹកកកមកស្អំលើមុខរបួស
– មិនត្រូវយកសាប៊ូលាបលើមុខរបួស
– មិនត្រូវលាបថ្នាំដុសធ្មេញលើមុខរបួស។
ចំពោះទម្លាប់ខាងលើនេះមិនត្រឹមត្រូវទេ ព្រោះប្រឈមនឹងការឆ្លងមេរោគ មុខរបួសឡើងពងបែក ឬហើមសាច់ កាន់តែធ្ងន់ធ្ងរ។
